Арман Жүдебаев мемлекет басшысы Қасым-Жомарт Кемелұлы Тоқаевтың Алғыс хатына ие болды

Бүгін Құрманғазы атындағы Қазақ ұлттық консерваториясының ректоры, ҚР еңбек сіңірген қайраткері Арман Әділханұлы Жүдебаев мемлекет басшысы Қасым-Жомарт Кемелұлы Тоқаевтың Алғыс хатына ие болды. Халқымыздың ұлы ақыны Абай Құнанбайұлының 175 жылдық және дала данышпаны, әлемнің екінші ұстазы Әбу Насыр әл-Фарабидің 1150 жылдық мерейтойларына арналған іс-шараларды ұйымдастыру мен өткізуге қосқан үлкен үлесі үшін берілген марапатты ҚР Мәдениет және спорт министрі Ақтоты Рахметоллақызы табыстады. Консерватория ұжымы Арман Әділханұлын марапатымен құттықтап, әрқашан мерейі үстем болып, абыройы арта берсін деген тілек білдіреді!