Консерватория жаңалықтары

Үстіміздегі жылдың 18-қарашасында ZOOM платформасы арқылы Құрманғазы атындағы Қазақ ұлттық консерваториясының Тәрбие және әлеуметтік жұмыс жөніндегі проректоры м.а.  М.Ешмұханов, «Sanaly urpaq» Республикалық жобалық кеңсесінің басшысы К.А.Токушев, консерваторияның сыбайлас жемқорлыққа қарсы кеңесінің басшысы, «Жалпы фортепиано» кафедрасының меңгерушісі И.В. Олексенконың қатысуымен 1 курс студенттеріне арналған онлайн кураторлық сағаты өтті. Аталған жиынға консерваторияның Сыбайлас жемқорлыққа қарсы іс-қимыл кеңесінің мүшелері, барлық курстардың кураторлары, «Саналы ұрпақ» студенттік клубының белсенділері де қатысты.
Кураторлық сағатта жатақхана және екінші аралық бақылау мен емтихандардың өтуіне қатысты көптеген мәселелер қозғалды. Студенттерді мазалап жүрген сұрақтарға  консерваториямыздың Тәрбие және әлеуметтік жұмыстар жөніндегі проректор м.а.  М.А.Ешмұханов пен «Жалпы фортепиано» кафедрасының меңгерушісі И.В. Олексенко жауап берді.
Сондай-ақ «Sanaly urpaq» Республикалық жобалық кеңсесінің басшысы К.А. Токушев өз сөзінде оқу орнының сыбайлас жемқорлыққа қарсы іс-қимылдың кешенді жоспарына енгізілетін іс-шаралары туралы айтып, «Біз сыбайлас жемқорлыққа қарсымыз!», «Адал бол», «Абыройлы ұстаз», «Плагиатқа жол жоқ», «Таза сессия», «Парасаттылық – жастар көзімен» акцияларын өткізу, студенттер арасында сауалнама жүргізу сияқты шараларды ұйымдастыруды ұсынды.

25 қараша ZOOM платформасы арқылы Тәрбие және әлеуметтік жұмыс жөніндегі проректоры м.о.  М.Ешмұхановтың бастамасымен діни экстремизм тақырыбына және ҚР Тұңғыш Президенті күніне орай деректі фильмдерді талқылауға бағытталған 1 курс студенттеріне арналған  кураторлық сағаты өтті.

Өткізіп алмаңыздар!
1 курс студенттері үшін маңызды шара!
27 қараша сағат 15:00-де, Тікелей эфирде "Студенттер қатарына қабылдау" ісі-шарасы өтеді!
Сіздерді көптеген қызықтар күтіп тұр.
Төменде көрсетілген сілтеме немесе QR-кодпен көруге болады!
https://www.youtube.com/watch?v=Hut4IT58rL4

Бүкіләлемдік философия күніне орай Әбу Насыр әл-Фарабидің 1150 жылдық мерейтойына арналған «Әл-Фараби және қазіргі заман» халықаралық жас спикерлер байқауының жеңімпаздары анықталды. Үміткерлерді марапаттау салтанаты әл-Фараби орталығының @farabicenter2020 ресми аккаунтында тікелей эфирде жүргізілді.

Қазақстан Республикасы Білім және ғылым министрлігі Білім және ғылым саласындағы сапаны қамтамасыз ету комитеті басшысының 2020 жылғы 12 қарашадағы «Ғылыми атақ беру жөніндегі» №448 бұйрығы бойынша Құрманғазы атындағы Қазақ ұлттық консерваториясы «Вокал, дирижерлеу және музыкалық білім беру» факультетінің деканы, өнертану кандидаты Нүсіпова Айзада Сайфоллақызына 17.00.00 – Өнертану саласы бойынша қауымдастырылған профессор атағы берілді.
    Консерватория ұжымы Айзада Сайфоллақызын ғылымдағы шыққан жаңа белесімен құттықтап, ұзақ ғұмыр, зор денсаулық, қажымас қайрат, еңбекте толағай табыс, шығармашылық шабыт тілейді.

2020 жылдың 19 қарашасында Құрманғазы атындағы Қазақ ұлттық консерваториясында Абай Құнанбаевтың 175 жылдығына арналған «Абайдың Рухани мұрасы және қазіргі заманғы өнертанудың өзекті мәселелері» атты онлайн Халықаралық ғылыми-практикалық конференция өтті.
Мемлекет басшысы Қасым-Жомарт Кемелұлы атап өткендей, «Абай мұрасы – біздің ұлт болып бірігуімізге, ел болып дамуымызға жол ашатын қастерлі құндылық болуы тиіс».
Конференцияда ХХ ғасырдың басынан бастап бүгінгі күнге дейінгі Абай мұрасының тағдыры, композитор шығармаларының ұлттық музыкалық мәдениеттің дамуы контексіндегі рөлі мен маңызы, қазіргі дәстүрлі, концерттік тәжірибедегі Абай мұрасы тақырыптары қозғалып, кеңінен талқыланды.
-Абай Құнанбайұлы Қазақ елінің абыройын әлем жұртшылығы алдында биікке көтерген тұлғалардың бірі. Оның мұрасы тек өз халқының ғана емес, бүкіл адамзат баласының игілігіне айналды десек қателеспейміз. Ақын өлеңдері мен қара сөздерінде айтылған ақиқаттар адамға өз бойындағы жаман қасиеттерінен арылып, асыл қасиеттерін табуға, оларды дамытуға үндейді. Өкінішке орай, үстіміздегі жылы орын алып отырған әлемдік пандемия көптеген жоспарлы іс-шараларды өз деңгейінде өткізуге қолбайлау болып отыр. Соған қарамастан ұлы ақынның 175 жылдығына арналған конференцияны онлайн өткізіп отырмыз, - деді алғы сөзінде консерватория ректоры Арман Жүдебаев.
Конференцияға алыс және таяу шет елдердің танымал ғалымдары мен мәдениет қайраткерлері, жас зерттеушілер, ЖОО-ның оқытушылары қатысты. Олардың ішінде: АҚШ-тың Оңтүстік Каролина университетінің қауымдастырылған профессоры – Анна Олдфилд; Болгария астанасы София қаласындағы «Проф. Панчо Владигеров» ұлттық музыка академиясынан өнертану докторы – Мануэла Бончева; П.И.Чайковский атындағы Мәскеу мемлекеттік консерваториясының профессоры, өнертану докторы – Виолетта Юнусова; Ташкенттік қонағымыз, Өзбекстан мемлекеттік өнер және мәдениет институтының оқытушысы – Аманмурадов Шохрат Чарыевич; Санкт-Петербург мемлекеттік университетінің магистранты – Молдалим Тоқжан Жақсылыққызы болды. ZOOM платформасы арқылы онлайн конференцияға қатысқан адамдардың саны 100-ден асты.

Сондай-ақ, конференциядан соң консерваториянының YouTube арнасында ұлы ақынның шығармашылығына арналған «Өлмейтұғын артында сөз қалдырған...» атты онлайн концерт өтті. Концертті 1 тәуліктің ішінде мыңнан аса адам тамашалады.

https://www.youtube.com/watch?v=UYTWGCGCmD4&t=1653s

Қымбатты достар! 2020 жылдың 19-20 қарашасында Құрманғазы атындағы Қазақ ұлттық консерваториясында Абай Құнанбаевтың 175 жылдығына арналған «Абайдың Рухани мұрасы және қазіргі заманғы өнертанудың өзекті мәселелері» атты онлайн Халықаралық ғылыми-практикалық конференция аясында "ФОЛЬКЛОРЛЫҚ ҒЫЛЫМИ ЗЕРТТЕУ ЗЕРТХАНАСЫ ҚОРЫНДАҒЫ АБАЙДЫҢ МУЗЫКАЛЫҚ МҰРАЛАРЫ" атты CD күйтабағының тұсаукесер рәсімі өтеді.

Өтетін күні: 20 қараша.
Өтетін уақыты:  сағ.10.00де.
Zoom платформасы арқылы онлайн форматта.

Подключиться к конференции Zoom
https://us02web.zoom.us/j/88604044235?pwd=c3dab2Fpd2N1Ulh6OHJrWExGNTFNdz09

Идентификатор конференции: 886 0404 4235
Код доступа: 12345

Қымбатты достар! 2020 жылдың 19 қарашасында  Құрманғазы атындағы Қазақ ұлттық консерваториясында Абай Құнанбаевтың 175 жылдығына арналған «Абайдың Рухани мұрасы және қазіргі заманғы өнертанудың өзекті мәселелері» атты онлайн Халықаралық ғылыми-практикалық конференция өтеді.
Қасым-Жомарт Кемелұлы атап өткендей, «Абай мұрасы – біздің ұлт болып бірігуімізге, ел болып дамуымызға жол ашатын қастерлі құндылық болуы тиіс». Конференцияның басты тақырыптары - ХХ ғасырдың басынан бастап бүгінгі күнге дейінгі Абай мұрасының тағдыры,  композитор шығармаларының ұлттық музыкалық мәдениеттің дамуы контексіндегі рөлі мен маңызы, қазіргі дәстүрлі, концерттік тәжірибедегі Абай мұрасы.

Конференцияға алыс және таяу шет елдердің танымал ғалымдары мен мәдениет қайраткерлері, жас зерттеушілер, жоғары оқу орындарының оқытушылары қатысады. Атап айтқанда:

-    АҚШ-тың Оңтүстік Каролина университетінің қауымдастырылған профессоры – Анна Олдфилд;
-    Болгария астанасы София қаласындағы «Проф. Панчо Владигеров» ұлттық музыка академиясынан өнертану докторы – Мануэла Бончева;
-    П.И.Чайковский атындағы Мәскеу мемлекеттік консерваториясының профессоры, өнертану докторы – Виолетта Юнусова;
-    Ташкенттік қонағымыз, Өзбекстан мемлекеттік өнер және мәдениет институтының оқытушысы - Аманмурадов Шохрат Чарыевич;
-    Санкт-Петербург мемлекеттік университетінің магистранты – Молдалим Тоқжан Жақсылыққызы.

Биыл байқауға Нұр-Сұлтан, Алматы, Шымкент, Ақтөбе, Қарағанды, Қаскелең, Көкшетау, Қостанай, Павлодар, Петропавл, Семей, Талдықорған, Тараз, Түркістан, Өскемен қалаларынан 354 өтінім келіп түскен. Екі турдың қорытындысы бойынша 80 студент жеңімпаз атанды. Оларға стипендиат сертификаттары табыс етіліп, ай сайын 40 000 теңге мөлшерінде стипендия белгіленеді және «Нұрсұлтан Назарбаев Қорының стипендиаты» мәртебесі беріледі. Жобаның негізгі мақсаты жоғары және арнаулы орта (өнер және мәдениет) білім беру оқу орындарының күндізгі бөлім студенттерінің оқуға деген құштарлығын жоғарылату, ғылыми жұмыспен айналысуын және шығармашылығын қолдау. Қордың стипендиясы ай сайын жазғы кезеңді қоспағанда бір оқу жылына төленеді.
Стипендия иегерлері арасында Құрманғазы атындағы Қазақ ұлттық консерваториясысының «Вокал, дирижерлеу және музыкалық білім беру» факультетінің 2 курс магистранты Булатова Зарина, «Халық музыкасы» факультетінің 4 курс студенті Бақыт Бексұлтан, «Вокал, дирижерлеу және музыкалық білім беру» факультетінің 3 курс студенті Мадина Оразбай, «Аспаптық орындаушылық» факультетінің 3 курс студенті Ғимарат Ерназар бар.

Құрманғазы атындағы Қазақ ұлттық консерваториясының ұжымы Нұрсұлтан Назарбаев Қорының 2020 жылғы стипендиаты атанған консерватория студенттерін шын жүректен құттықтап, оқуларында табыс, шығармашылық шабыт тілейді!