Menu
info@conservatoire.kz

Консерватория жаңалықтары

Атақты дирижер Ренат Салаватов консерваторияда қонақта болды
Атақты дирижер Ренат Салаватов консерваторияда қонақта болды
Бүгін Құрманғазы атындағы Қазақ ұлттық консерваториясында дирижер, композитор, ҚР еңбек сіңірген қайраткері, Татарстанның халық артисі, Ресейдің еңбек сіңірген артисі Ренат Салаватов қонақта болды. Сыйлы қонағымызды Ректор аппараты қызметінің басшысы Ермек Скаков қабылдап, Ренат Салаватұлына 2020-жылы беріліп, пандемия жағдайына байланысты өзіне табысталмай қалған Құрманғазы атындағы Қазақ ұлттық консерваториясының «Құрметті профессоры» атағының құжатын арнайы табыстады. Абай атындағы Қазақ ұлттық опера және балет театрында бірнеше жыл қызмет атқарып, Ресейдегі және Еуропаның бірқатар елдеріндегі айтулы театрларда жемісті еңбек еткен атақты маэстро - қазіргі таңда Татарстанның Мұса Жәлел атындағы академиялық мемлекеттік опера және балет театрының бас дирижері. Консерватория ұжымы Ренат Салаватұлына зор денсаулық, ұзақ ғұмыр, қажымас қайрат, шығармашылық табыстар тілейді!
8 желтоқсан 2021
Консерватория ұстаздары «30 жыл 30 есім» Ұлттық жүлдесіне ие болды
Консерватория ұстаздары «30 жыл 30 есім» Ұлттық жүлдесіне ие болды
Құрманғазы атындағы Қазақ ұлттық консерваториясының оқытушылары Ақпарат және қоғамдық даму министрлігінің қолдауымен «Қазақстан» телерадиокорпорациясы ұйымдастырған «30 жыл 30 есім» Ұлттық жүлдесіне ие болды. ҚР Еңбек сіңірген артисі, күйші, «Домбыра» кафедрасының профессоры Айгүл Үлкенбаева мен ҚР Еңбек сіңірген артисі, әнші, «Халық әні» кафедрасының доценті Рамазан Стамғазиев байқаудың «Дәстүрлі өнердің дамуына қосқан үлесі» аталымында жеңімпаз атанды.
8 желтоқсан 2021
Тұңғыш Президент күні құтты болсын!
Тұңғыш Президент күні құтты болсын!
Қадірлі отандастар, әріптестер, достар сіздерді Құрманғазы атындағы Қазақ ұлттық консерваториясының ұжымы Қазақстан Республикасының Тұңғыш Президенті күнімен шын жүректен құттықтайды!
Қазіргі заманауи, әлем мойындаған Қазақстанның осындай белестерге көтерілуі Елбасы Нұрсұлтан Әбішұлы Назарбаевтың сарабдал саясаты мен сіңірген орасан зор еңбегінің жемісі екені мәлім. Әрине Елбасына қолдау білдіріп отырған халқы мен сенімді серік болған әртүрлі сала мамандарының да рөлі ерекше. Егемен еліміздің болашағы баянды болуы үшін әрбір азамат осы мақсатқа аянбай еңбек етудің маңыздылығын сезінетініне шәк жоқ.
Тәуелсіз еліміздің айтулы мерекелерінің бірі, Тұңғыш Президент күнімен құттықтай отырып, сіздерге зор денсаулық, ұзақ ғұмыр, отбасыларыңызға амандық, бақ-береке, жұмыстарыңызға табыс тілейміз!
1 желтоқсан 2021
Консерватория студенттері «Қазақ романсиадасы» XXIII халықаралық байқауында топ жарды
Консерватория студенттері «Қазақ романсиадасы» XXIII халықаралық байқауында топ жарды
2021 жылдың 19-21 қараша аралығында Түркістан қаласында «Қазақ романсиадасы» XXIII халықаралық байқауы өтті.
«Қазақ романсиадасы» XXIII халықаралық байқауының қазылар алқасына Ресейдің еңбек сіңірген артисі Галина Преображенская төрағалық етті.
Байқау бағдарламасына сәйкес, өнер додасында қазақ және орыс тілдерінде романстар орындалды.
Байқауға консерваториямыздың бірқатар студенттері қатысып, жүлделі орындар иеленді. Атап айтсқақ:
I орын – 4-курс студенті Артықбаев Нұрбол (ұстазы – профессор, Х.А. Авхий);
II орын – 4-курс студенті Төлепберген Аружан (ұстазы – А.А. Юсупова);
II орын – 4-курс студенті Алмас Нұрсат (ұстазы – Г.К. Есімов);
3-курс студенті Алимұса Сұңқар (ұстазы – Б.Н. Жомартов) арнайы дипломмен марапатталды.
Жүлделі орын алып, жеңіс тұғырынан көрінген студенттеріміз бен олардың ұстаздарын шын жүректен құттықтап, шығармашылық табыстар тілейміз!

25 қараша 2021
Консерватория кітапханасы виртуалды көрме ұйымдастырды
Консерватория кітапханасы виртуалды көрме ұйымдастырды
Құрманғазы атындағы Қазақ ұлттық консерваториясының кітапханасы композитор Базарбай Сағадиұлы Жұманиязовтың шығармашылығына арналған виртуалды көрме ұйымдастырды.
Базарбай Сағадиұлы – консерваторияның атақты түлегі, Қазақстанның еңбегі сіңген өнер қайраткері, көрнекті композитор әрі музыка педагогы. Өнер иесінің шығармашылығына арналып ұйымдастырылған виртуалды көрме оқу ордамыздың студенттеріне композитор туындыларымен танысуда үлкен көмек әрі серік болары анық.
25 қараша 2021
«Парасаттылық пен адалдық – болашақтың кепілі» тақырыбында кураторлық сағат өтті
«Парасаттылық пен адалдық – болашақтың кепілі» тақырыбында кураторлық сағат өтті
2021 жылы 24 қарашада Құрманғазы атындағы Қазақ ұлттық консерваториясында «Парасаттылық пен адалдық – болашақтың кепілі!" тақырыбында кураторлық сағат өтті. Шара ZOOM платформасында онлайн режимінде өтті.
24 қараша 2021
Ахмет Жұбановтың 115 жылдығына арналған музыкалы-поэтикалық кеш өтті
Ахмет Жұбановтың 115 жылдығына арналған музыкалы-поэтикалық кеш өтті
Биыл елімізде белгілі дирижер, композитор, Қазақстан Ғылым академиясының өнер саласындағы академигі, Қазақстанның халық артисі, алғаш қазақ халық аспаптар оркестрін құрып,  еліміздегі кәсіби музыкалық білім беру ісін жолға қойған профессор Ахмет Жұбановтың 115 жылдық мерейтойы аталып өтуде. Осы орайда Құрманғазы атындағы Қазақ ұлттық консерваториясы «Әлеуметтік-гуманитарлық пәндер» кафедрасының ұйымдастыруымен консерваторияда өнер көрсететін «Дебют» студенттік театрының қатысуымен «Ахмет Жұбанов - ұлт мақтанышы» атты музыкалы-поэтикалық кеш өтті. «Дебют» студенттік театрының көркемдік жетекшісі «Әлеуметтік-гуманитарлық пәндер» кафедрасының доценті Айдос Тоқтағұл Мыңжанұлы.
24 қараша 2021
Ә.Бөкейхановтың 155 жылдығына арналған «Тірі болсам қазаққа қызмет етпей қоймаймын» атты ашық сабақ өтті
Ә.Бөкейхановтың 155 жылдығына арналған «Тірі болсам қазаққа қызмет етпей қоймаймын» атты ашық сабақ өтті
Жақында Құрманғазы атындағы Қазақ ұлттық консерваториясында «Арт-менеджмент» кафедрасының оқытушысы А.Оспанованың бастамасымен және 1 курс студенттерінің атсалысуымен ұлт-азаттық «Алаш» қозғалысының көсемі, қоғам және мемлекет қайраткері, «Алаш» ұлттық-демократиялық партиясының ұйымдастырушысы әрі көшбасшысы Әлихан Бөкейхановтың 155 жылдығына арналған «Тірі болсам қазаққа қызмет етпей қоймаймын» атты ашық сабақ өтті.
    Әлихан Нұрмұхамедұлы Бөкейхан – Ұлт көсемі Алашордадағы алғашқы Қазақ ұлттық үкіметінің басшысы, сондай-ақ, талантты публицист, ғалым, аудармашы.
Ашық сабақ барысында Ә.Бөкейхановтың өмірі, қоғамдық-саяси және ғылыми қызметіне байланысты тақырыптар тереңнен қозғалды. Қазақ зиялылары өкілінің өміріне консерватория жастары үлкен қызығушылық танытып отырғанын атап өткен жөн. Аталмыш іс-шара консерватория жатақханасының Акт залында, офлайн форматында өткен болатын.
Ұлттық рухты көтеруге бағытталған мұндай іс-шаралар жастардың бойындағы патриоттық сезімді оятуға, сонымен қатар ата-бабаларының ұрпақ үшін жасаған ерен еңбектерін бағалауға әрі солардай ерік-жігері мықты, батыл да батыр болуға үндейтіні сөзсіз.
19 қараша 2021