Консерватория жаңалықтары
2023 жылдың 2 қарашасында консерваторияның Е.Рахмадиев атындағы Үлкен концерт залында күй алыбы Құрманғазының 205 жылдығына арналған ХІV Еуропалық халықаралық пианистер байқауының жеңімпазы (Бремен, Германия), Королева Елизавета атындағы (Брюссель), Геза Анда атындағы (Цюрих), А.Н.Скрябин атындағы (Мәскеу) халықаралық конкурстардың лауреаты Станислав Хегайдың (фортепиано) жеке концерті болып өтті.
2023 жылдың 1 қарашасында Құрманғазы атындағы Қазақ ұлттық консерваториясының Студенттік өзін-өзі басқару ұйымы бастамасымен «Әлеуметтік-гуманитарлық пәндер» кафедрасының меңгерушісі Қайырбекова Әлима Ғафуқызының жатақхана студенттерімен «Сөз өнері» тақырыбында кездесуі өтті.
«Steinway&Sons» әлемдік деңгейдегі рояль және фортепиано шығаратын компанияның президенті Г. Циммерман мырза және компанияның өңірлік директоры А. Вильхельм мырза жұмыс сапарымен Құрманғазы атындағы Қазақ ұлттық консерваториясына болды. 170 жылдан астам пернетақталы музыкалық аспаптар өндірушілерінің нарығында табысты жұмыс істеп келе жатқан және ең жоғарғы сапада фортепиано шығаратын «Steinway&Sons» өкілдері Консерватория әкімшілігін орындаушылардың мүмкіндіктерін кеңейтуге, музыканы көркемдеудегі ойларын жүзеге асыруына бағытталған соңғы жетістіктермен таныстырды.
Құрметті оқытушылар, докторанттар, магистранттар және студенттер!
3 қараша, сағат 17:00-де (Алматы уақыты) «"БиблиоРоссика" электронды-кітапханалық жүйесі» вебинары өтеді http://www.bibliorossica.com
2023 жылдың 30 қазанында консерваторияның Ғ.Жұбанова атындағы Камералық залында «Қарақалпақ халық күйлері» атты оқулық-кітаптың тұсаукесері аясында «Домбыра» кафедрасының доценті, ҚР мәдениет саласының үздігі Қуаныш Жұмағалидың «Орта Азия халықтарының күйлері» атты лекция-концерті өтті.
2023 жылдың 30 қазанында консерваторияның А.Жұбанов атындағы концерттік залында опера сыныбы шеңберінде «Вокалдық өнер» кафедрасының 3-курс студенттерінің, сондай-ақ Абай атындағы ҚазҰОБТ солистерінің қатысуымен батысеуропалық композиторлардың опереттараларынан үзінділер орындалған «БАТ vs ТЛ» атты концерті болып өтті.
Бүгін Құрманғазы атындағы Қазақ ұлттық консерваториясының мәжіліс залында Президентіміз Қ.К.Тоқаевтың Жарлығымен «Қазақтанның халық әртісі» атағына ие болған әріптестеріміз, өнер-білім ордасының ұлағатты ұстаздары, ұлттық өнердің дамуына үлкен үлес қосып жүрген – күйші-ұстаз, «Домбыра» кафедрасының профессоры Үлкенбаева Айгүл Нариманқызын, әнші-ұстаз, «Халық әні» кафедрасының доценті Стамғазиев Рамазан Өмірәліұлын және опера әншісі, «Вокалдық өнер» кафедрасының аға оқытушысы Күзембаев Талғат Пердебекұлын консерватория ректорының міндетін уақытша атқарушы Әбдірахман Гүлнар Бақытқызы бастаған консерватория ұжымы арнайы құттықтап, марапат иелеріне құрмет көрсетті.