Консерватория жаңалықтары

2024 жылдың 27 наурызында А.Жұбанов атындағы концерт залында Құрманғазы атындағы Қазақ ұлттық консерваториясының 80 жылдығына арналған Скрипка музыкасының концерті болып өтті. Концерттік кеште консерватория ұстаздары К.Халилова, Е.Сапарбаев сыныптарының шәкірттері Томирис Қамбар, Айғаным Сағынтаева, Гүлдана Әлімбек, Ақбота Мәуленқұл, Зейне Дәуітбергенова, Айгерім Исабай, Айзада Тоқтарова, Зарина Рысқали, Нұрай Рысқұлова, Асқар Аружан, Арайлым Бекмағамбетова, Саяна Садуақасова өнер көрсетіп, қазақ және батысеуропалық композиторлардың шығармаларын орындады.
Концертмейстерлер - Альбина Ким және Рахат Мұратәлі.

2024 жылдың 27 наурызында Е.Рахмадиев атындағы Үлкен концерт залында Фортепиано музыкасының концерті өтті. Концертте «Арнайы фортепиано» кафедрасының оқытушылары ҚР Халық артисі, профессор Г.И.Қадырбекова, профессор, ҚР Еңбек сіңірген қайраткері, профессор Г.Е.Узенбаева, ҚР Еңбек сіңірген қайраткері, доцент, PhD докторы А.А.Тілеубергенова, доцент Б.Б.Айғалқаева, аға оқытушылар А.А.Романенко, И.А.Гавриленко, оқытушылар М.Я.Сепп, Д.К.Тоқмурзиева, М.К.Қабден өнер көрсетті. Концерттік бағдарламада Ф.Мендельсон, И.Брамс, К.Сен-Санс, К.Дебюсси, М.Равель, А.Скрябин және С.Рахманинов шығармалары орындалды.

2024 жылдың 26 наурызында Құрманғазы атындағы Қазақ ұлттық консерваториясының қабырғасында өткізілетін Қазақстан Республикасы Ғылым және жоғары білім министрлігінің 2024 жылғы XVI Республикалық студенттік пәндік олимпиадасы «Халық әні» кафедрасының «Халық әні», «Жыршылар» номинациясы бойынша басталды.

2024 жылдың 26 наурызында ҚР Мәдениет және ақпарат министрлігінің «Құрманғазы атындағы Қазақ ұлттық консерваториясы» РММ «Өнер» бағытында 11 білім беру бағдарламасы (19 номинация) бойынша ҚР ҒЖБМ XVI Республикалық студенттік пәндік олимпиадасының шымылдығын ашты.

2024 жылдың 27 наурызында консерваторияның А.Жұбанов атындағы концерттік залында кураторлық сағат аясында өнер-білім ордасының студенттерімен  Алматы қаласы полиция департаменті есірткі қылмысына қарсы іс-қимыл басқармасының аға жедел уәкілі полиция майоры Көбеев Дәурен Асқарұлы мен  АҚТҚ/ЖИТС жаңа психоактивті заттар бойынша кеңесші Мирас Мырзаханның кездесуі өтті

2024 жылдың 27 наурызында Құрманғазы атындағы Қазақ ұлттық консерваториясының қабырғасында Халықаралық бөлім қызметкерлері «Академиялық ұтқырлық арқылы музыкалық өнердегі жолың» тақырыбында инфо-сессия өткізді. Іс-шара бірінші және екінші курс студенттеріне арналған кураторлық сағат аясында өтті.

Льеж Корольдік консерваториясына / Conservatoire royal de Liège (Льеж, Бельгия) 2024-2025 оқу жылының бір семестр ішінде (2024 қазан айы – 2025 қаңтар айы) оқуға конкурс жарияланады.

Виго консерваториясына (Conservatorio Superior de Música de Vigo, Виго қ., Испания), 2024–2025 оқу жылының бір семестр ішінде (27.02–30.05.2025 г.) «үрлемелі және ұрмалы аспаптар», «ішекті аспаптар» мамандықтары бойынша, оқуға конкурс жарияланады.

Краковтағы к. Пендерецкий атындағы музыка академиясы / The Krzysztof Penderecki Academy of Music in Krakow (AMKP) 2024-2025 оқу жылының бір семестр ішінде (2024 қазан айы – 2025 қаңтар айы) дирижер, фортепиано, вокал және басқа да аспаптық оркестрлік аспаптар мамандықтары бойынша, оқуға конкурс жарияланады.