Консерватория жаңалықтары

2024 жылдың 1 наурызында консерваторияның студенттері мен оқытушыларына арналған YouTube продюсері Александр Мелентьевтің дәрісі өтті, ол «YouTube саласындағы продюсерліктің құпиялары-алғашқы түсірілімнен бастап, миллион жазылушы мен Алтын түймесіне дейін» деп аталды.

2024 жылғы 29 ақпанда Құрманғазы атындағы Қазақ ұлттық консерваториясына елдер арасындағы шығармашылық білім беруді және мәдени байланыстарды бірлесіп дамыту мәселелерін талқылау үшін тоғыз адамнан тұратын «Санта Чечилия» Рим Мемлекеттік музыкалық консерваториясының делегациясы келді.

2024 жылдың 29 ақпанында Ғ.Жұбанова атындағы камералық залда «Uniamoci per la musica» атты кеш өтті. Концерттік бағдарламада Абай атындағы ҚҰОБТ жетекші солисі, «Вокалдық өнер» кафедрасының ұстазы Артығалиев Ілияс Мұратжанұлының шәкірттері: Макар Ғани, Жақып Ұлан, Дидарұлы Дінмұхаммед өнер көрсетті. 

2024 жылдың 29 ақпанында Е.Рахмадиев атындағы концерттік залда Қазақ ұлттық консерваториясының 80 жылдығына арналған «Музыкальное приношение» атты фортепиано музыкасының кеші өтті.

2024 жылдың 28 ақпанында Ғ.Жұбанова атындағы камералық залда 4-курс студенті Арманов Құдайбергеннің дипломдық жоба тақырыбына сәйкес композитор Сұлтанғали Лұқпановтың шығармашылығына арналған «Кең өлкем» атты кеші өтті. 

2024 жылдың 28 ақпанында А.Жұбанов атындағы концерттік залда Құрманғазы атындағы Қазақ ұлттық консерваториясы «Қобыз және баян» кафедрасының 4-курс студенті, Халықаралық және республикалық конкурстардың лауреаты Тайынова Айдананың «Замана сазы» атты жеке концерті өтті. 

2024 жылдың 27 ақпанында консерватория қабырғасында Құрманғазы атындағы Қазақ ұлттық консерваториясы «Қобыз және баян» кафедрасының оқытушысы, белгілі қобызшы, зерттеуші, «ҚР Мәдениет саласының үздігі» Саян Ақмолданың «Сағынтай сарыны» атты кітабының тұсаукесер рәсімі өтті.

Құрманғазы атындағы Қазақ ұлттық консерваториясының студенттері арнайы конкурстан өтіп, 2024 жылдың 17 ақпаны мен 20 маусымының аралығында стипендиясын сақтай отырып, республикалық бюджет есебінен академиялық ұтқырлық бағдарламасы бойынша серіктес-ЖОО — Н. Г. Жиганов атындағы Қазан мемлекеттік консерваториясына (Қазан, Ресей) оқуға жіберілді. Семестр бойы білім алушылар шетелдік оқытушылардың әдістері мен білімдерін игере отырып, Татарстан астанасындағы бай көпұлтты мәдениетті зерттей алады. Студенттердің барлық шығындары республикалық бюджет есебінен өтеледі.

2024 жылдың 28 ақпанында консерваторияның А.Жұбанов атындағы концерт залында кураторлық сағат аясында Халықаралық және республикалық байқаулардың лауреаты, Өнертану ғылымдарының магистрі, композитор, Нұрқасымов Болатбек Боранбайұлымен кездесу өтті.