2024 жылдың 13 мамыр күні Е. Рахмадиев атындағы Үлкен концерт залында Құрманғазы атындағы Қазақ ұлттық консерваториясы «Вокалдық өнер» кафедрасының есептік концерті өтті

2024 жылдың 13 мамыр күні Е. Рахмадиев атындағы Үлкен концерт залында Құрманғазы атындағы Қазақ ұлттық консерваториясы «Вокалдық өнер» кафедрасының есептік концерті өтті.

Бағдарлама аясында академиялық вокалдық шеберліктің мәнін құрайтын қазақ және шетел композиторларының ариялары, романстары мен әндері орындалды. Сахнада әртүрлі курс студенттері вокалдық техникасы мен орындаушылық шеберлігін көрсетті.

Кеш жоғары деңгейде өтіп, оқу жылының соңындағы жарқын оқиғалардың біріне айналды. Студенттерге, оқытушылар мен концертмейстерлерге кәсібилігі мен берген шабыты үшін алғысымыз шексіз!