info@conservatoire.kz

Консерватория жаңалықтары

Креативті индустриядағы үздік стартап идеяларға арналған конкурс басталды
Креативті индустриядағы үздік стартап идеяларға арналған конкурс басталды
Қазақстан-Британ Техникалық Университеті және Құрманғазы атындағы Қазақ ұлттық консерваториясы Хенли Бизнес мектебімен, Рэдинг университетімен бірлесіп Creative Spark (British Council) бағдарламасы шеңберінде креативті индустриядағы үздік стартап идеяларға арналған конкурстың басталғаны туралы хабарлайды.
27 қаңтар 2021
Студенттеріміз ІІ Халықаралық «Art-parad in Vitebsk» фестиваль-байқауында ІІ дәрежелі лауреат атанды
Студенттеріміз ІІ Халықаралық «Art-parad in Vitebsk» фестиваль-байқауында ІІ дәрежелі лауреат атанды
Құрманғазы атындағы Қазақ ұлтты консерваториясының «Кәусар» триосы ІІ Халықаралық «Art-parad in Vitebsk» фестиваль-байқауында ІІ дәрежелі лауреат атанды. Трио жетекшісі, «Домбыра» кафедрасының аға-оқытушысы Нұргүл Жақыпбек алғыс хатпен марапатталды. Биылғы «Арт-парад» «Витебскідегі Славян базары» халықаралық өнер фестивалінің 30 жылдығына арналған. Байқау онлайн форматта өтті.
Лауреат атанған студенттерімізді құттықтай отырып, алда тек шығармашылық табыстар тілейміз!
26 қаңтар 2021
Forecast-тың алтыншы шығарылымы үшін идея ұсыну жарияланды
Forecast-тың алтыншы шығарылымы үшін идея ұсыну жарияланды
Forecast – бұл халықаралық бағдарлама, бұл бағдарламаның көмегімен шығармашылық мамандықтағы адамдар өз жобаларын іске асыру үшін тәжірибелі менторлармен бірігеді. Forecast нақты белгіленген пәндер мен жанрлардан асып түседі.
21 қаңтар 2021
«Еуропа-Азия» пианиношылардың І Халықаралық байқауы өтеді
«Еуропа-Азия» пианиношылардың І Халықаралық байқауы өтеді
2021 жылдың 29-31 наурызы аралығында «Еуропа-Азия» пианиношыларының І Халықаралық байқауы өтеді. Ұйымдастырушы – «Загир Исмагилов атындағы Уфа мемлекеттік өнер институты» жоғары білім беретін мемлекеттік бюджеттік білім беру мекемесінің арнайы фортепиано кафедрасы.
21 қаңтар 2021
Жатақханадағы 1 курс студенттерімен онлайн жиналыс өтті.
Жатақханадағы 1 курс студенттерімен онлайн жиналыс өтті.
Ағымдағы жылдың 15 қаңтарыңда ZOOM платформасы арқылы Тәрбие және әлеуметтік жұмыс жөніндегі проректоры м.о.  М.Ешмұхановтың ұйымдастыруымен 1 курс студенттеріне арналған  онлайн жиналыс өтті.
Аталмыш жиналыста проректор 1 курс студенттеріне жатақхана ережелері мен тәртібі туралы түсіндірме жұмыстарын жүргізді.
Айта кетейік, Құрманғазы атындағы Қазақ ұлттық консерваториясы студенттер жатақханасының ішкі тәртіп ережелері мынадай құжаттар негізінде әзірленген:
•    Қазақстан Республикасында заңнамалық статусы бар құқықтық-нормативтік актілерге негізделген нормативтік құжаттары, ұлттық, ведомстволық және салалық стандарттар, жоғары тұрған органдардың талаптары;
•    Басқару жүйесі, сыбайлас жемқорлыққа қарсы ISO (International Organization for Standardization) Халықаралық стандарттарына сәйкес басқару сапасының менеджменті және консерваторияда енгізілген басқа да жүйелер;
•    Жалпы консерватория қызметін айқындайтын ішкі нормативтік құжаттар.
Бұл ережелер жатақхана тұрғындарының әрбірі орындауға міндетті консерваторияның арнайы нормативтік актісі болып саналады.
Жиналыс барысында консерваториямыздың Тәрбие және әлеуметтік жұмыс жөніндегі проректоры м.о.  М.Ешмұханов студенттерге жатақхананың жұмыс істеу тәртібі, өзін-өзі басқару органдары, студенттер жатақханасынан шығару себептері мен реті және пандемия кезіндегі тәртіп туралы сөз қозғады. Ал жатақхана тұрғындары да өздерін мазалап жүрген сұрақтарын қойып, тұшымды жауап ала алды.
16 қаңтар 2021
Жас таланттар мен әлемге әйгілі профессорлар Мальтадағы 2021 классикалық музыка академиясында кездеседі
Жас таланттар мен әлемге әйгілі профессорлар Мальтадағы 2021 классикалық музыка академиясында кездеседі
InClassica халықаралық музыкалық фестивалі аясында Мальта классикалық музыка академиясы 2021 жылдың  17 сәуірі мен 11 мамыры аралығында Мальтада өтеді.
15 қаңтар 2021
Консерватория ректоры Алматы қалалық мәслихатының депутаты болып сайланды!
Консерватория ректоры Алматы қалалық мәслихатының депутаты болып сайланды!
Қымбатты достар! «Nur Otan» партиясы Алматы қалалық филиалы Саяси кеңес бюросының шешімімен «Қазақстан Республикасындағы сайлау туралы» Конституциялық заңның 112-бабының 1-тармағына сәйкес құрамында 29 кандидат бар тізім бекітілді. Аталған тізім бойынша Құрманғазы атындағы Қазақ ұлттық консерваториясының ректоры, ҚР еңбек сіңірген қайраткері Жүдебаев Арман Әділханұлы Алматы қалалық мәслихатының депутаты болып сайланды.
- Мемлекет басшысы Қасым-Жомарт Кемелұлы Тоқаевтың Тәуелсіздігіміздің 30 жылдығына арналған «Тәуелсіздік бәрінен қымбат» атты мақаласында «Біздің мақсатымыз – келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз ұрпақ тәрбиелеу» деп атап өткен болатын. Өмір бір орында тұрмайды. Қазіргі таңда елімізде жаңаша ойлайтын, жаңа заманның талаптарына ұлттық құндылықтарымызды жоғалтпай бейімделе алатын қоғам қалыптастыру керектігі өзекті мәселе болып тұр деп есептеймін. Бұл тұрғыда білім мен өнер, мәдени құндылықтар бірінші орынға шығады. Республикамыздағы тарихы терең, маңдайалды жоғары оқу орындары шоғырланған, өнер мен мәдениет орталығына, жастар қаласына айналған, ең ірі мегаполисіміз – Алматы шаһарының жан-жақты дамуына, әсіресе өнер-білім жүйесі мен мәдениет саласынының уақыт талабына сай өркендеуіне мейлінше күш салғанымыз жөн, - деді сөзінде ректор Арман Жүдебаев.
Арман Әділханұлы кәсіби біліктілігі мен еңбекқорлығының арқасында жас та болса көп биіктерді бағындырып, қазіргі таңда ұлттық музыка өнеріміздің қарашаңырағы – Құрманғазы атындағы Қазақ ұлттық консерваториясын басқарып отыр. Дарынды күйші, дирижер ретінде халық сүйіспеншілігіне бөленген майталман өнерпаз, соңғы жылдары білікті басшы ретінде консерватория ұжымы алдында өзінің тиянақтылығы, жауапкершілігі және басшыға тән талапшылдығымен жоғары беделге ие болып отыр.
Консерватория ұжымы Арман Әділханұлын құттықтай отырып, депутаттық қызметінде сәттілік тілейді.
15 қаңтар 2021
Ұлттық театрға 95 жыл
Ұлттық театрға 95 жыл
2020 жылдың 13 қаңтарында Құрманғазы атындағы Қазақ ұлттық консерваториясының ректоры Арман Жүдебаев М.Әуезов атындағы Қазақ Ұлттық драма театрының құрылғанына 95 жыл толуына және "Ұлттық" мәртебесі берілуіне арналған мерекелік іс-шараға қатысты.

Қазақстан Республикасы Мәдениет және спорт министрлігінің қолдауымен өткен іс-шараға ведомства басшысы Ақтоты Райымқұлова, «Ұлттық» мәртебесін иеленген М.Әуезов атындағы Қазақ Ұлттық драма театрының көркемдік жетекшісі, КСРО Халық артисі – А.Әшімов; М.Әуезов атындағы Қазақ Ұлттық драма театрының директоры, Қазақстанның еңбек сіңірген қайраткері - Е.Жуасбек; Абай атындағы Қазақ Ұлттық опера және балет театрының директоры, Қазақстанның еңбек сіңірген қайраткері – А.Қалиева; М.Ю.Лермонтов атындағы Ұлттық орыс драма театрының директоры – А.Якушев; Құрманғазы атындағы Қазақ Ұлттық халық аспаптар оркестрінің директоры – М.Қуанышев; ҚР Ұлттық кітапханасының директоры – Б.Оспанова қатысты.

Арман Әділханұлы қарашаңырақты 95 жылдық мерейтойымен құттықтап, консерватория ұжымы атынан құттықтау хатын табыстады.
14 қаңтар 2021