Колумбия университетінен Тайлер Кобёрннің іс-сапары (Нью-Йорк, АҚШ)

2024 жылдың 6 мамырында Құрманғазы атындағы Қазақ ұлттық консерваториясына Колумбия университетінің Бейнелеу өнері мектебінің доценті Тайлер Кобёрн жеке іс-сапарымен келді

Тайлер Кобёрннің зерттеуші ретіндегі жұмысы кескіндеме, қойылым, мүсін, бейне, инсталляция және тағы басқа әртүрлі бағыттарын қамтитын өнерді қарастырады. Қонаққа Консерватория залдары бойынша экскурсия жүргізілді, онда ол университеттің тарихымен және жетістіктерімен танысты. Сапар Т. Кобёрннің Консерватория басып шығаратын халықаралық рецензияланатын Saryn журналымен байланысын нығайту мен ынтымақтастықты күшейту туралы талқылауға арналды. Ол журнал сайтының функционалдылығын, оның түсінігі мен қолданудың қарапайымдылығын, сондай-ақ жақсы дизайнын атап өтті.