20 ақпан күні Е. Рахмадиев атындағы Үлкен концерт залында симфониялық музыка кеші өтті

Дастан Ибрагимов басқарған студенттік симфониялық оркестрі  бағдарламасының маңызды бөлігі ретінде Петр Чайковскийдің Бірінші симфониясын орындады. Бұл таңдау кездейсоқ емес, себебі 2025 жылы ұлы композитордың туғанына 185 жыл толады.

Кештің ерекшелігі - тыңдармандармен өзара әрекеттесу форматында өтуі: дирижер тек шығарманы таныстырып қана қоймай, оның құрылымы, дыбыстық ерекшеліктері  мен эмоционалдық мазмұны жайлы да айтып берді. Тыңдаушылар ұлы композитордың ойын тереңірек сезінуі үшін ол оркестрмен бірге  симфонияның негізгі тақырыптарын иллюстрациялады.

 Кеш тек концерт емес, өнер мен білімді ұштасттырған музыкалық диалогқа айналды. Музыканттарға, сондай-ақ осы ерекше сәтті бізбен бөліскен жандарға  алғысымыз шексіз