«Алматы аймақтық ЖОО ректорлары кеңесінің» кезекті мәжілісі өтті

Бүгін 21-ақпан Абай атындағы Қазақ ұлттық педогогикалық университетінде «Алматы аймақтық ЖОО ректорлары кеңесінің» кезекті мәжілісі өтті. Ректорлар кеңесінің қызметі Қазақстан Республикасының жоғары білім беру жүйесін дамытуға және болашақ мамандарды даярлаудың өзекті мәселелерін шешу мен отандық ғылымды дамыту бойынша жоғары оқу орындары арасындағы қарым-қатынасты нығайтуға бағытталды.

Алматы аймақтық жоғары оқу орындарының ректорлары Кеңесі 2011 жылдың 23 тамызында құрылған,оның құрамына 23 университет кіреді: оның 7 ұлттық университет (Әл-Фараби атындағы ҚазҰУ, ҚазҰАУ, Абай атындағы ҚазҰПУ, Қ.Сатпаев атындағы ҚазҰТЗУ, С.Асфендияров атындағы ҚазҰМУ, Құрманғазы атындағы Қазақ ұлттық консерваториясы, Т.Жүргенов атындағы Қазақ ұлттық өнер академиясы), сондай-ақ Қазақстанның алдыңғы қатарлы жоғары оқу орындары.