Қайғымен хабарлаймыз

Қайғымен хабарлаймыз: Құрманғазы атындағы Қазақ ұлттық консерваториясының профессоры, Қазақ КСР-інің халық әртісі, көрнекті опера әншісі Ғафиз Қыдырұлы Есімов өмірден озды.

Ғафиз Қыдырұлы 1947 жылы 9 мамырда Атырау облысы, Махамбет ауданында дүниеге келген. Лирикалық баритон иесі ретінде К. Байсейітова, М. Глинка және Ф. Виньяс атындағы байқауларда танымалдыққа ие болған. Оның мәдениетке қосқан үлесі Қазақ КСР-інің Еңбек сіңірген және Халық әртісі атақтарымен, сондай-ақ «Құрмет» және «Махамбет» ордендерімен бағаланған.

Педагог ретінде көптеген шәкірттер тәрбиелеп, оларға өнерге деген сүйіспеншілігі мен шеберлігін жеткізіп, терең із қалдырды. Ғафиз Қыдырұлының жарқын бейнесі шәкірттері мен әріптестерінің жүрегінде нағыз шебер және тәлімгер ретінде сақталады.