«Музыкатану және композиция» кафедрасының 2 курс магистранты Жанель Интыкбаеваның авторлық концерті өтті

2025 жылғы 30 мамыр күні Е. Рахмадиев атындағы Үлкен концерт залында Құрманғазы атындағы Қазақ ұлттық консерваториясының «Музыкатану және композиция» кафедрасының 2 курс магистранты Жанель Интыкбаеваның авторлық концерті өтті.

Бағдарламада әртүрлі құрамға арналған – жеке фортепианолық пьесалардан бастап үрмелі, ішекті ансамбльдер мен симфониялық оркестрге арналған туындылар орындалды.

Концертке халықаралық байқаулардың лауреаттары, Консерватория оқытушылары мен студенттері, сондай-ақ Абай атындағы Қазақ ұлттық опера және балет театрының жетекші солисі Надия Наденова қатысты.
Кеш бүгінгі қазақстандық академиялық музыканың нағыз мерекесіне айналып, көрермендер орындаушылар мен автордың шабытымен үйлесім тапты. Бәрекелді!