«String Music Festival» III Халықаралық ішекті аспаптар фестивалінің Гала-концерті өтті.

Құрманғазы атындағы ҚҰК үлкен концерт залында 2019 жылы 16 ақпанда «String Music Festival» III Халықаралық ішекті аспаптар фестивалінің Гала-концерті өтті.
Фестиваль Құрманғазы атындағы Қазақ ұлттық консерваториясының 75 жылдығына орайластырылған. Алматы мемлекеттік консерваториясында алғашқылардың бірі болып "Оркестр" кафедрасы, ал 5 жылдан кейін, 1949 жылы "Ішекті аспаптар" кафедрасы құрылды. Фестивальдің барлық концерттері осы кафедраларда алғаш еңбек атқарған, Қазақстандағы ішекті аспаптар мектептерін қалыптастырушы ұстаздарды еске алуға арналды. Скрипкашы Вениамин Соломонович Хесс, альтист Яков Иосифович Фудиман, виолончелист Джамбул Кузембаевич Баспаев.
Фестивальға Швейцарияның профессорлары шақырылды, олар мастер-класстар өткізуге келісім берді.
Қонақтар:
Профессор, Женевадағы жоғары музыка мектебі және Бернадағы жоғары музыка мектебі - Денис Северин;
Профессор, Женевадағы жоғары музыка мектебі, Лион консерваториясының вокал факультетінің деканы Марчин Хабела;
Австриялық ішекті аспаптар компаниясының ресми өкілі Thomastik Infeld виолончелисті Атилла Пазтор.