Консерватория жаңалықтары

«Тарихи ресурстар» зерттеу тобының XXIII Халықаралық симпозиумы өтпек

Жақында Құрманғазы атындағы Қазақ ұлттық консерваториясында «Сыбайлас жемқорлыққа қарсымыз!» атты кураторлық сағат өтті. Іс-шара ZOOM платформасында онлайн режимде өткізілген болатын.

2021 жылдың 26 қазанында «Арт-менеджмент» кафедрасының ұйымдастыруымен «Менің мамандығым» жобасының аясында  Құрманғазы атындығы Қазақ ұлттық консерваториясы «Халық музыкасы» факультетінің  деканы, PHD, «HASSAK» этно-фольклорлық ансамблінің жетекшісі Жәмеңкеев  Ержан Ерболатұлының студенттермен кездесуі өтті .

"Арт-менеджмент" кафедрасының ұйымдастыруымен "Менің мамандығым" жобасының аясында "Халық музыкасы" факультетінің деканы, аға оқытушы, PhD, Ерболат Жәмеңкеевпен кездесу өтеді.

2021 жылдың 20 қазанында 1 курс студенттері арасында тәрбие және әлеуметтік жұмыс жөніндегі проректоры м.а. М.Ешмұханов және ЖИТС алдын алу және оған қарсы күрес орталығының (әрі қарай – ЖИТС орталығы) дәрігер-мамандары Үсенқұл Мадина мен Жұманова Анельдің қатысуымен «Студенттер арасында ЖИТС-ке қарсы алдын алу шаралары» кураторлық сағаты өтті. Кураторлық сағат барысында ЖИТС орталығының дәрігер-мамандары ЖИТС және АИТВ инфекциялық ауруларының таралу және оның алдын-алу жолдары туралы 1 курс студенттеріне толық ақпарат беріп, студенттердің көкейкесті сұрақтарына жауап берді. Еліміздегі жастар арасында кеңінен таралып келе жатқан ЖИТС пен АИТВ ауруларының алдын-алу бойынша тәрбиелік іс-шаралар жоспарға сәйкес консерваторияның білім алушыларына әлі де ұйымдастырылатын  болады.

Бүгін 2021 жылдың 19 қазанында ҚР Ұлттық кітапхнасында Құрманғазы атындағы Қазақ ұлттық консерваториясының оқытушысы, Өнертану ғылымдарының магистрі Әсет Жұмабаевтың «Домбыра бас аспабына арналған оқу құралы» кітабының тұсаукесері өтті.

Бүгін Құрманғазы атындағы Қазақ ұлттық консерваториясында Қазақстан Республикасы Мәдениет және спорт министрлігі «Адалдық алаңы» жобалық кеңсесінің өкілі Айгүл Әбдіғаппарқызы Сақтағановамен кездесу өтті. Жиынға консерватория ректоры Арман Әділханұлы Жүдебаев бастаған проректорлар, факультет декандары, кафедра меңгерушілері және бірқатар бөлім басшылары қатысты.

2021 жылдың 12-қазанында Нұр-Сұлтан қаласында Халық артисі Бибігүл Төлегенова атындағы XI Халықаралық вокалистер байқауы өз мәресіне жетті. Консерваториямыздың 4 курс студенті Көшкінбаев Дінмұхамед (ұстазы, аға оқытушы Бекназарова Т.К.) байқаудың Бас Жүлдесін иеленсе, Мұхамедияр Ораз (ұстазы, аға оқытушы Байнешова Ж.Б.) 3-орын лауреаты, ал 4-курс студенті Мария Медетова (ұстазы Смольянина Е.В.) байқау дипломанты атанды.
Жыл сайын өтетін айтулы байқауда Ресей, Өзбекстан, Қырғызстан және елімізден 60-тан аса өнерпаз бақ сынап, 15 қатысушы жүлдегер атанды. Бибігүл Ахметқызы: «Байқауға келген 60 адамның бәрін тыңдадық. Үндері әсем, бәрі де мықты. Талап бойынша 12 қатысушыны таңдауымыз керек болған. 15-ін іріктеп алдық. Себебі шынында бос жіберуге қимадық. Байқау өте үлкен деңгейде өтті. Бұл балалар тоқтап қалмауы керек. Біз салып берген даңғыл жолға адаспай түсіп, қанат қаға берсе екен.» - деп, жас өнерпаздарға өз ықыласын білдірді.

Консерваториямыздың мерейін көтеріп, жоғары деңгейде өнер көрсеткен студенттеріміз бен оларды тәрбиелеген ұстаздарымызға алғыс айтып, одан да жоғары шығармашылық табыстарға жете берулеріне тілектестік білдіреміз.

Қымбатты достар! Жақында «Корифей» білім беру орталығының ұйымдастыруымен студенттер мен оқушыларға арналған III Республикалық пәндік олимпиада өтті.
Биылғы жылы Құрманғазы атындағы Қазақ ұлттық консерваториясының  студенттері аталмыш олимпиадаға белсене қатысып, жүлделі орындарғы ие болды. Атап айтқанда «Қазақ тілі» және «Орыс тілі» пәндері бойынша бірінші дәрежелі диплом мен қатысушы сертификатына 1 курс студенттері Ахмедиярова Ақтоты (Үрмелі аспаптар), Семғалиева Райгүл (Музыкатану), Маркенова Алина (Домбыра) және Маханбетжанова Азиза (Дирижерлеу) ие болды. Жетекшілері: Сүлеева Гүлжан Созақпайқызы, Есетова Айнұр Тәкейқызы және Атембаева Гүлнар Айдашқызы.
Консерватория ұжымы оқытушыларымыз бен студенттерімізді жеңістерімен шын жүректен құттықтайды.