Консерватория жаңалықтары
2023 жылдың 5 сәуірінде консерваторияның Е. Рахмадиев атындағы үлкен концерт залында кураторлық сағат аясында Өрт қауіпсіздігі және терроризмге қарсы қорғау жөніндегі инженер - Әшімов Талғат Абдултәліпұлының өнер-білім ордасының студенттерімен кездесуі өтті.
2023 жылдың 4 сәуірінде Құрманғазы атындағы Қазақ ұлттық консерваториясының Ф. Шопен атындағы камералық залында консерваториямыздың «Халық әні» мамандығының 4 курс студенті Республикалық конкурстардың лауреаты Алида Хуанованың «Мақтан етем» атты жеке концерті өтті.
2023 жылдың 3 сәуірінде Құрманғазы атындағы Қазақ ұлттық консерваториясының Ф. Шопен атындағы камералық залында Сергей Рахманиновтың туғанына 150 жыл толуына орай «Сергей Рахманинов – күміс ғасыр кемеңгері» атты ансамбль өнері кафедрасының концерті өтті.
«Арнайы фортепиано» мамандығының 4-курс студенті Дария Қуатқызы «Еуропа-Азия» ІІІ Халықаралық пианистер байқауының 1-орын жүлдегері атанды. Ұйымдастырушылар: З. Исмагилов атындағы Уфа мемлекеттік өнер институты (Ресей). Ұстазы - профессор С. А. Массовер.
Құрманғазы атындағы Қазақ ұлттық консерваториясының «Вокалдық өнер» кафедрасында 30 жыл еңбек атқарған ұстаз, доцент, ҚР Мәдениет саласының үздігі Шаплыко Валентина Георгиевнаның қазасына байланысты консерватория ұжымы марқұмның отбасына, туған-туыстарына, әріптестері мен дос-жарандарына қайғыра көңіл айтады. Жайы жәннатта болсын!
«Халық аспаптары мамандығы» «Прима қобыз» номинациясы бойынша жоғарғы оқу орындары арасындағы республикалық студенттік пәндік олимпиадасына қатысушы үміткерлер бағдарлама бойынша талапқа сай екі шығармадан орындады.
