Консерватория жаңалықтары
2023 жылдың 9 наурызында Құрманғазы атындағы Қазақ ұлттық консерваториясының А. Жұбанов атындағы концерт залында аға оқытушы Н. А. Айғалқаев сыныбының «Фаготқа арналған музыка кеші» атты концерті өтті.
2023 жылдың 16 наурызында Алматыда Qazaq Ballet креативті зертханасының бастамасымен және Нұрсұлтан Назарбаев Қоры мен ЮНЕСКО-ның Қазақстан Ұлттық клубтар федерациясының қолдауымен «Өнер тәрбиесі» циклынан Дамир Оразымбеттің «Қазақ балет театры: 90 жылдық тарих» атты қорытынды авторлық дәрісі өтеді. Көрермендер сирек кездесетін бейнефрагменттер мен фотосуреттерді көріп, әртістердің тосынсыйлары және қазақ балеті туралы ең қызықты сұрақтарға жауап ала алады.
Академиялық ұтқырлық бағдарламасы аясында 2022-2023 оқу жылының күзгі семестрінде Құрманғазы атындағы Қазақ ұлттық консерваториясынан 2023 жылдың 13 ақпаны мен 2023 жылдың 17 маусымы аралығында Краков (Краков қ., Польша) музыка академиясына оқуға студенттер жіберілді. Барлық шығындар студенттердің жеке қаражаты есебінен өтеледі.
Ресейде өткен «Жастардың ғылыми-зерттеушілік әлеуеті» атты Халықаралық студенттердің ғылыми-зерттеу жұмыстары байқауында «Музыкалық білім беру» мамандығының 4-курс студенттері Сұлтанай Іңкәр мен Ералы Майра жүлделі 1 орынға ие болды.
2023 жылдың 7 наурызында Құрманғазы атындағы Қазақ ұлттық консерваториясының Ф. Шопен атындағы камералық залында Қазақстан Республикасының еңбек сіңірген қайраткері Жомартов Болат Нұрқалықұлының «Тоқта, сәт» атты сыныптық концерті өтті.
2023 жылдың 6 наурызында Құрманғазы атындағы Қазақ ұлттық консерваториясының А. Жұбанов атындағы концерт залында «Әйел дауысы» атты концерт өтті.
2023 жылдың 6 наурызында Құрманғазы атындағы Қазақ ұлттық консерваториясының Ф. Шопен атындағы камералық залында «Жалпы фортепиано» кафедрасының аға оқытушысы Е.В. Севрук сыныбы студенттерінің концерті өтті.
