Консерватория жаңалықтары

2023 жылдың 1 ақпанында консерваторияның Е. Рахмадиев атындағы үлкен концерт залында кураторлық сағат аясында өнер-білім ордасының студенттерімен Алматы қалалық Жастар ресурстық орталықтарымен жұмыс бөлімінің бас маманы Құрман Дидар және АҚТҚ/ЖИТС жаңа психоактивті заттар бойынша кеңесші Мирас Мырзаханмен кездесу өтті.

«Цинандали классикалық музыка фестивалінің» ұйымдастырушылары (Грузия) Қазақстандағы 18-28 жас аралығындағы талантты жас музыканттар арасында Пан-Кавказық жастар оркестріне (PCYO) қатысу үшін тыңдау байқауын жариялап отыр. Тыңдау байқауы 2023 жылдың 27 ақпанында Құрманғазы атындағы Қазақ ұлттық консерваториясының Ф. Шопен атындағы камералық залында өтеді.

2023 жылдың 27 қаңтарында Құрманғазы атындағы Қазақ ұлттық консерваториясының Ф. Шопен атындағы камералық залында Мырзағалиев Еркін (скрипка) мен Мәлікайдар Қанаттың (фортепиано) қатысуымен «Камералық музыка концерті» өтті.

2023 жылдың 25 қаңтарында консерваторияның Е. Рахмадиев атындағы үлкен концерт залында «Сақтық – қауіпке бөгет» атты кураторлық сағат өтті. Жиында «Студенттердің жеке бас қауіпсіздігін сақтау ережелері» туралы түсініктеме жұмыстары жүргізілді.

2023 жылдың 25 қаңтарында Құрманғазы атындағы Қазақ ұлттық консерваториясының Ахмет Жұбанов залында студенттер күніне арналған «Жұлдызды көпір» атты концерт өтті.

Сіздерді Scopus, WOS (Web of Science) ДҚ журналдарына мақаланы дайындау және жариялау туралы "Мақалаға қойылатын негізгі талаптар және Scopus-та жариялау ерекшеліктері" атты тақырыпта өтетін тегін онлайн-семинарға шақырамыз.

 

2023 жылдың 19 қаңтарында Құрманғазы атындағы Қазақ ұлттық консерваториясының  «Музыкатану және композиция» кафедрасы  «Отандық оқу орындарында қазақтың дәстүрлі музыкасын зерттеу және оқыту міндеттері» тақырыбында әдістемелік семинар өткізді.

2023 жылдың 19 қаңтарында Құрманғазы атындағы Қазақ ұлттық консерваториясының «Музыкатану және композиция» кафедрасы «Республикалық оқу орындарында қазақтың дәстүрлі музыкасын зерттеу және оқыту міндеттері» тақырыбында әдістемелік семинар өткізеді. Семинар аясында: 1. Музыка колледждеріндегі «Қазақ музыкалық әдебиеті» және жоғары оқу орындарындағы «ХХI ғасырдағы «Қазақ музыкасының тарихы» (мазмұны мен оқыту әдістемесі);  2.Республиканың оқу орындарында қазақ дәстүрлі музыкасын зерттеу және оқыту міндеттері (гуманитарлық және әдіснамалық аспектілер)  секілді мәселелер талқыланады. Семинардың басталуы: 11.00.

2023 жылдың 10 қаңтары мен 18 ақпаны аралығында ЭКЖ «Лань» және «Планета музыки» https://e.lanbook.com/ баспа жинақтары қолжетімді болады, оған осы басылымдар шығарған барлық кітаптардың электронды нұсқалары, басылымдар, сондай-ақ жеке ғылыми еңбектер кіреді.