Консерватория жаңалықтары

Ғылым апталығы аясында Құрманғазы атындағы Қазақ ұлттық консерваториясында «Өнертанудағы ғылыми зерттеу траекториясы» тақырыбындағы ашық дәрістерімен өнертану кандидаты, Санкт-Петербург мемлекеттік мәдениет институтының доценті Евгений Слесарь сөз сөйледі.

2024 жылдың 10 сәуірінде Құрманғазы атындағы Қазақ ұлттық консерваториясында «Музыка өнері мен біліміндегі тұлға, дәстүр, мәдениет» ғылым апталығы аясында музыкатану және композиция кафедрасы Ғафура Нұрғалиқызы Бисенованың 100 жылдығына арналған «Ғафура Бисенова және отандық музыкатану» атты дөңгелек үстел өткізді. 

2024 жылдың 9 сәуірінде Е.Рахмадиев атындағы концерт залында ҚР Мәдениет қайраткері, Құрманғазы атындағы ҚҰК профессоры, «Халық музыкасы» факультетінің деканы Төлепберген Тоқжановтың «Өмір-өзен» атты шығармашылық кеші болып өтті

2024 жылдың 10 сәуірінде Т.Жүргенов атындағы ҚазҰӨА «Дыбыс режиссурасы және операторлық өнер» кафедрасының меңгерушісі, доцент Мырзашева Әлия Төкенқызы, аға оқытушы Байтанаев Әлібек Серікұлы, оқу-әдістемелік қызметінің басшысы Жұмаділова Жәмилә Амантұрлықызы Құрманғазы атындағы Қазақ ұлттық консерваториясына арнайы келіп студенттерді «minor «Дыбыс режиссурасы» қосымша білім беру бағдарламасымен кеңінен таныстырды.

2024 жылғы 8 сәуірде «Дәстүрлі музыкалық өнер» мамандығы бойынша музыкалық колледждер мен мамандандырылған мектептердің білім алушылары арасында ХVI Республикалық кіші олимпиадасы өтті.

2024 жылғы 8 сәуірде Құрманғазы атындағы Қазақ ұлттық консерваториясында «Дәстүрлі музыкалық өнер» мамандығы бойынша «Домбыра», «Үш ішекті аспаптар», «Фольклорлық аспаптар» номинациялары бойынша ХVI Республикалық студенттік пәндік олимпиада өтті

2024 жылдың 8 сәуірінде Құрманғазы атындағы Қазақ ұлттық Консерваториясында Ғылым апталығы аясында алғаш рет, «Креативтік экономика. Заманауи нарықта өнер өнімдерін жылжыту» тақырыбында Science Café өтті. Іс-шара еліміздің мәдени-экономикалық әлеуетін дамытуға ықпал ететін креативті индустриялардың мүмкіндіктерін көрсетті

2024 жылдың 5 сәуірінде «Халық Әні» мамандығы бойынша ХVI Республикалық кіші Олимпиада өтті.

Құрманғазы атындағы Қазақ ұлттық консерваториясының «Вокал, дирижерлеу және музыкалық білім беру»  факультеті «Дирижерлеу» кафедрасының студенттері 2024 жылғы 6 сәуірде Қазақстанның түрлі өңірлеріндегі су тасқынынан зардап шеккен жандарға гуманитарлық көмек көрсету мақсатында флешмобқа шықты.
Жиналған қаражатқа студенттер қажетті заттарды сатып алып, сол күні барлық заттарды Байтұрсынов көшесі, 22/1 мекен-жайдағы "Community Center" (гуманитарлық көмек қабылдау пункті) үйіне апарды, мұнда қазір жалпықалалық көмек жинау өтіп жатыр.