Консерватория жаңалықтары

Құрманғазы атындағы Қазақ ұлттық консерваториясының кітапханасына Ресейдің бірнеше электрондық кітапханалары қашықтан қолдану мүмкіндігін берді

Ұлттық тестілеу орталығының «Атамекен» ҰКП бірлескен ТІКЕЛЕЙ ЭФИРІ өткізіледі. Сіздердің Ұлттық бірыңғай тестілеуге (ҰБТ) қатысты сұрақтарыңызға орталық директорының орынбасары Дидарбекова Наужан Әбдісатарқызы жауап беретін болады.

Құрметті консерватория студенттері! «Қозы Көрпеш - Баян Сұлу» күні жақындап келе жатыр. Осы ғашықтар күніне орай, ең әдемі, қызықты, және ерекше сурет немесе видео(өз қалауларыңыз бойынша) байқауын жариялаймыз.

Бүгін 2020 жылдың 5-сәуірінде Құрманғазы атындағы Қазақ ұлттық консерваториясы «Музыкалық білім беру және психология» кафедрасының профессоры, ұлағатты ұстаз, тәжірибелі педагог Зере Шәкерімқызы дүниеден озды.
Бар ғұмырын ұстаздық жолына арнаған Зере Шәкерімқызы Құрманғазы атындағы Қазақ ұлттық консерваториясында 40 жылдан аса қызмет атқарды. Осы жылдар аралығында білім ордасының дамуына, болашақ музыка мамандарының педагогикалық дайындығын шыңдау ісіне бар білімі мен тәжірибесін, күш-жігерін аямай еңбек сіңірді. Ол 20 жылдай уақыт бұрын консерватория қабырғасында «Педагогика және психология» кафедрасының ашылуына да мұрындық болған еді. Бүгінге дейін Зере Шәкерімқызы «Музыкалық білім берудегі педагогика және психология» секциясына жетекшілік етіп келді. Талай педагог-музыканттардың буынын тәрбиелеген білікті ұстаздың қалыптастырып кеткен тәжірибесі консерваторияның бұл бағыттағы жұмыстарына арқау болып қала бермек.
Зере Шәкерімқызы еліміздегі музыкалық білім беру ісіне қосқан үлесі үшін талай құрметті атақтардың иесі атанды. Олар: «ҚР білім беру ісінің құрметті қызметкері», «Мәдениет саласының үздігі» төсбелгісі, ҚР Білім және ғылым министрлігінің «Құрмет» грамотасы, Қазақстанның ЖОО қауымдастығының А.Байтұрсынов атындағы күміс медалі және «Үздік педагог» атағы.
Марқұмның отбасы мен туған-туыстарының қайғыларына ортақтасып, көңіл айтамыз. Жатқан жері жайлы, жаны жәннатта болсын!


Құрманғазы атындағы
Қазақ ұлттық консерваториясының ұжымы

ҚР Мәдениет және спорт министрлігі «Құрманғазы атындағы Қазақ ұлттық консерваториясы» РММ мен Қазақ радиосының бірлескен жаңа жобасы «ХАЛЫҚ ҚАЗЫНАСЫ» эфирде!

Халқымыздың баға жетпес қазыналарының бірі – ән-күйлеріміздің тарихына, туынды авторларының өмірі мен шығармашылығына қанығып, әуезді ән, күмбірлеген күймен құлағыңыздың құрышын қандырғыңыз келсе «ХАЛЫҚ ҚАЗЫНАСЫ» бағдарламасын тыңдаңыздар.

#mcsgovrk #Қазақұлттықконсерваториясы #Kazakhnationalconservatory
#qazaqradiosy #qazradiofm #мксlive #bizbirgemiz #algaqazaqstan #teamkz #үйдеміз #біргееңсереміз #үйдебол #uidebol

Құрманғазы атындағы Қазақ ұлттық консерваториясы мен Қазақ радиосының бірлескен жаңа жобасы «ХАЛЫҚ ҚАЗЫНАСЫ» эфирге жол тартпақ.

Халқымыздың баға жетпес қазыналарының бірі – ән-күйлеріміздің тарихына, туынды авторларының өмірі мен шығармашылығына қанығып, әуезді ән, күмбірлеген күймен құлағыңыздың құрышын қандырғыңыз келсе «ХАЛЫҚ ҚАЗЫНАСЫ» бағдарламасын тыңдаңыздар.

#Қазақұлттықконсерваториясы
#Kazakhnationalconservatory
#Arman_Zhudebayev
#qazaqradiosy

Мəдениет жəне спорт министрлігінің өнер мен спорттың баршағы қолжетімділігін қамтамасыз ету мақсатында жасап жатқан онлайн нұсқадағы жұмыстарының бірі #КАРАНТИНДЕГІЖҰЛДЫЗ жобасы. 23-наурызда іске қосылған жоба бойынша күнделікті кешкі сағат 21:00-де Қазақтелекомның YouTube арнасында өнер майталмандары онлайн-концерттерін беруде.

ҚР Мәдениет және спорт министрлігіне қарасты Құрманғазы атындағы Қазақ ұлттық консерваториясының ұстаздары төтенше жағдай кезінде үйден шықпай онлайн концерт, шеберлік дәрістерін беруді бастаған болатын. Аталмыш шараларды сіздер де  #óneronline хэштегі арқылы Facebook желісіндегі өнерпаздардың парақшаларынан және Мәдениет және спорт министрлігі ашқан (ONLINEda bol) парақшадан көре аласыздар.

ҚР Мәдениет және спорт министрлігінің бастамасымен қолға алынған #ÓNERONLINE жобасы аясындағы Құрманғазы атындағы Қазақ ұлттық консерваториясы ұстаздарының шеберлік дәрістері жалғасуда.
Келесі эфирде «Домбыра» кафедрасының доценті Абдулхамит Райымбергеновтің «Қазанғап күйлерін орындау ерекшеліктері» тақырыбындағы дәрісі.