Консерватория жаңалықтары

Қымбатты достар! Құрманғазы атындағы Қазақ Ұлттық консерваториясы «Халық музыкасы» факультетінің 2 курс студенті Ермек Берекет Теміртайұлы «Бөбек» Жалпыұлттық қозғалысы» қауымдастық нысанындағы заңды тұлғалар бірлестігінің ұйымдастыруымен «Дарынды жастардың ІІ Халықаралық энциклопедиясы» жобасы аясында білім, ғылым және өнер саласына қосып жүрген айрықша еңбегі үшін «Үздік студент – 2020» төсбелгісі  және I дәрежелі диплом иегері атанды. Студентімізді бүгін консерватория ректоры Арман Әділханұлы құттықтап, оқуына, алдағы шығармашылық жұмыстарына сәттілік тілеп марапаттады. Сондай-ақ Ермек Берекет үздік студенттерге арналған Тәуелсіз мемлекеттер достығы «Дарынды жастардың Халықаралық энциклопедиясы» II кітап жинағына енді.

Жобаның негізгі мақсаты жас ғалымдардың үздік жобаларын анықтау, студенттік ынтымақтастықты дамыту. Аталмыш байқауға Қазақстан, Ресей, Өзбекстан, Беларусь және басқа да елдердің жоғары оқу орындарының студенттері қатысты.
Консерватория ұжымы атынан студентімізді шын жүректен ҚҰТТЫҚТАЙМЫЗ!

ҚҰРМАНҒАЗЫ АТЫНДАҒЫ ҚАЗАҚ ҰЛТТЫҚ КОНСЕРВАТОРИЯСЫНЫҢ СТУДЕНТТЕРІНІҢ НАЗАРЫНА!
I курс студенттеріне жатақханаға орналасу 2020 жылдың 28 тамызынан басталатыны жайлы хабарлаймыз!
Жатақхана қызметкерлерінің жұмыс уақыты – 9.00 ден 18.00 ге дейін
Түскі үзіліс 13.00-14.00
2020-2021 оқу жылында студенттік жатақханаға орналасу үшін қажетті құжаттар тізімі:
1.     Өтініш (орналасу кезінде рәсімделеді).
2.     Студенттік жатақханасына уақытша тұруы үшін келісім шарт - 2 дана (орналасу кезінде рәсімделеді).
3.     Жеке куәлік / төлқұжат көшірмесі.
4.     Төлемақы түбіртегі (кез келген банк) - 3 дана.
5.     3х4 фото -2 дана.
6.     Консерватория медициналық пунктінен денсаулығы туралы анықтама
(Жатақханаға орналасу кезінде рәсімделеді).
7.     Флюорография 2020 жылғы жарамды. (егер ФГ 2019 жылғы болса, өту керек).
8.     Файл – 1дана.
Төлемақы келесі реквизиттер бойынша төленеді:
РММ Мемлекеттік кірістер департаментінің
Алмалы ауданы бойынша Мемлекеттік кірістер басқармасы
Кбе 11    БИН 910740000153,   БИК   ККМFKZ2A,    
РММ «ҚР қаржы министрлігінің қазыналық комитетіне»,  
ИИК  KZ 24070105KSN0000000, БСК 206108,  ТМК 911

Консерватория әкімшілігінің 2020-2021 оқу жылында оқу процесін ұйымдастыру мәселелері бойынша студенттермен онлайн-кездесуі

2020 жылы мамыр мен шілде айлары аралығында Пезаро қаласында (Италия) Джоакино Россини атындағы Бірінші Халықаралық онлайн-байқау өтті.

Биыл Президентіміздің қаулысы бойынша «Еріктілер жылы» болып жарияланғаны мәлім. Жыл басынан бері елімізде бұл бағытта көптеген шаралар атқарылып, қайырымдылық жұмыстары жасалып келеді.

Консерваториямыздың «Фортепиано» мамандығы бойынша профессор Светлана Александровна Массовердің класында тәлім алып жатқан студентіміз, халықаралық және республикалық байқаулардың лауреаты, «Үздік студент» төсбелгісінің иегері Ғимарат Ерназар Ғабитұлы Абай Құнанбайұлының 175 жылдығына орай білім беру ұйымдарының педагогтары мен оқушылары арасында өткен «Абай мұрасы – Қазақтың қасиетті қазынасы» атты халықаралық байқауында Білім және ғылым саласына қосқан айрықша еңбегі және Абай мұрасына деген құрметі үшін I дәрежелі диплом иеленіп, жеңімпаз атанып, «Абай Құнанбайұлы» төсбелгісімен марапатталды.

Құрманғазы атындағы Қазақ ұлттық консерваториясы басшылығы бүгін 2020 жылдың 13-шілдесіндегі Қазақстан Республикасындағы Жалпыұлттық аза тұту күніне байланысты бір минуттық үнсіздік рәсімін өткізді.

Қазақстан Республикасы Білім және ғылым министрлігнің 2018 жылғы 31 қазанындағы № 600 бұйрығына сәйкес  «Жоғары және жоғары оқу орнынан кейінгі білім берудің бағдарламаларын іске асыратын білім беру ұйымдарының қағидалардын бекіту туралы».

Бүгін Құрманғазы атындағы Қазақ ұлттық консерваториясында шығармашылық емтихандар басталды. Биыл елдегі күрделі санитарлық-эпидемиологиялық жағдайға байланысты консерваторияға түсу емтихандары алғаш рет қашықтық (online) форматта өткізілуде.

Шығармашылық емтиханның алғашқы күні талапкерлер «Аспаптық орындаушылық (фортепиано, ішекті аспаптар, классикалық гитара)», «Музыкатану», «Композиция», «Вокал өнері» және «Арт-менеджмент» мамандықтары бойынша бақтарын сынады. «Арт-менеджмент» мамандығы бойынша мемлекеттік грантқа үміткерлердің саны көп болуына байланысты, осы білім беру бағдарламасындағы алғашқы шығармашылық емтихан ертең жалғасын табады.

Шығармашылық емтихан нәтижелері туралы ақпарат бүгін сағат 19:00-ден кейін консерватория сайтының «Қабылдау 2020» бөлімінде жарияланады. Апелляциялық өтініштер келесі күні сағат 13-00-ге дейін t.exams2020@mail.ru электронды поштасы арқылы қабылданады.

Құрманғазы атындағы Қазақ ұлттық консерваториясының студенттері!  Батырхан Шөкенов атындағы Қоғамдық қор Болат Өтемұратов Қорының қолдауымен 2020-2021 оқу жылына студенттерге арналған Батырхан Шөкенов атындағы стипендия жариялады.
Стипендиядан тек төмендегі аспаптар топтары (санаттары) бойынша оқитын студенттер үміттене алады:
Ағаш үрмелі музыкалық аспаптар:
•    гобой
•    кларнет
•    саксофон
•    фагот
•    флейта
Мыс үрмелі музыкалық аспаптар:
•    валторна
•    тромбон
•    керней
•    туба
Жоғары оқу орындары үшін бір стипендиатқа 500 000 теңге мөлшеріндегі төрт стипендия беріледі.
Стипендия туралы толық ақпарат және өтініш жіберу https://batyr.foundation/kk/our-project/stipendiya-2 сілтемесі бойынша.