Консерватория жаңалықтары

«Құрманғазы атындағы Қазақ ұлттық консерваториясы» РММ
Сіздерді «Қаржы орталығы» АҚ менеджері Ибраева Ж.С. қатысуымен өтетін онлайн іс-шараға қатысуға шақырады.

Халықаралық Эразмус+ бағдарламасының аясында және Виго Консерваториясының (Виго қ., Испания) келісімімен 2022-2023 оқу жылына төмендегі мамандықтар бойынша студенттер қабылданатыны хабарланады:
Бакалавриат деңгейінде: 2-3 курстарға, «Ішекті аспаптар», «Үрмелі аспаптар».

16 сәуірде «6В02107–дәстүрлі өнер» мамандығында білім алып жатқан студенттер арасында «Баян-аккордеон» аталымы бойынша ХІV Республикалық студенттік пәндік олимпиада өз мәресіне жетті.

16 сәуір күні Құрманғазы атындағы Қазақ ұлттық консерваториясының базасында өтіп жатқан «Қазақстан Республикасы Білім және ғылым министрлігінің ЖОО студенттері арасында XIV Республикалық студенттік пәндік үлкен олимпиадасы» аясында 6В02107– «Дәстүрлі музыка өнері» білім беру бағдарламасы бойынша «Қыл қобыз» аталымынан сайыс мәресіне жетті.

2022 жылдың 15 сәуірінде Құрманғазы атындағы Қазақ ұлттық консерваториясының Е.Рахмадиев атындағы Үлкен концерттік залында «Қобыз және баян» кафедрасының оқытушысы, «Құрмет» грамотасы мен «Ұлт мақтанышы» төсбелгісінің иегері, Ғалымжан Нарымбетовтың «PJAZZOLLA FOREVER» атты шығармашылық концерті өтті.

Жақында Құрманғазы атындағы Қазақ ұлттық консерваториясының Еркеғали Рахмадиев атындағы Үлкен концерт залында Берлиннен келген қонақ, дирижер әрі пианист Маттиас Манази мырза шеберлік сыныбын өткізді.

«Музыкалық білім беру» ББ бойынша жоғары оқу орындарының студенттері арасында 2022 ж. 11-13 сәуірінде өткен ҚР БҒМ XIV Республикалық студенттік пәндік олимпиадасының жеңімпаздарын құттықтаймыз!

Үлкен олимпиадаға Қазақстанның әртүрлі қалаларынан 17 студент қатысты. Қазылар алқасының шешімімен «музыка мұғалімінің орындаушылық шеберлігі» 1 номинациясы бойынша жеңімпаздар келесі орындарға ие болды:

«Арнайы фортепиано» кафедрасының 2 курс магистранты Закирова Әсем (жетекшісі Қойлыбаева М.Т., PhD, музыкатану және композиция кафедрасының доценті) ТМД елдерінің шығармашылық университеттерінің магистранттары арасында өткен «Үздік постерлік есеп» атты ІІ Халықаралық онлайн байқауында 3 орынға ие болды. Байқауды Т.Қ.Жүргенов атындағы Қазақ ұлттық өнер академиясы ұйымдастырып отыр. Байқау комиссиясының құрамына ТМД-ның жетекші шығармашылық университеттерінің ғалымдары мен оқытушыларының халықаралық алқасы кірді. Әсем «Фортепианолық байқау - орындаушылық интерпретацияны жүзеге асыру ретіндегі платформа» тақырыбында баяндама жасап, қазылар алқасы мүшелері арасында қызу пікірталас тудырды. Байқау нәтижелері онлайн режимінде жарияланды.

Жақында елордамызда өткен «Bilim-orkenieti» ұлттық инновациялық ғылыми-зерттеу орталығының ұйымдастыруымен өткен «Жылдың ең үздік волонтері» атты республикалық байқауда өнер ордамыздың 4-курс студенті Исматуллаева Карина Кудратуллаевна үздіктер қатарынан табылып, І дәрежелі дипломмен марапатталды.
Тек диплом ғана емес, Карина Кудратуллаевна ҚР волонтерлік қозғалысы дамуына қосқан үлесі және жастар арасындағы волонтерлік қозғалыста көшбасшылық қабілетін көрсете білгені үшін «Жылдың үздік волонтері» төсбелгісіне ие болып, жеке куәлік алды.
Жүлделі орынға ие болған студентімізге өнер әлемінде жоғары самғап, тек биік белестерден ғана көріне беруін тілейміз!