Консерватория жаңалықтары

Бүгін Құрманғазы атындағы Қазақ ұлттық консерваториясының ұжымы консерватория ректоры Арман Әділханұлы Жүдебаевтың жетекшілігімен Қазақстан Республикасының Президенті Қасым-Жомарт Кемелұлы Тоқаевтың Парламент палаталарының бірлескен отырысында жасаған Қазақстан халқына арналған Жолдауын тыңдады.

2022 жылдың 16 наурызында құмар ойындар мен қаржы пирамидасына қарсы кураторлық сағат өтті.

Бүгін Құрманғазы атындағы Қазақ ұлттық консерваториясының 1-курс студенттеріне арналған «Дін – тәрбиенің рухани тірегі» атты тақырыпта діни экстремизм мен терроризмнің алдын алу бойынша кураторлық сағат ұйымдастырылды.

Құрметті оқырмандар!
    Ғылыми-ақпараттық кітапхана қызметі ТҮРКСОЙ ұйымының Бас хатшысы Қасейінов Дүйсен Құрабайұлының еңбегі мен шығармашылығына арналған «Мәдениет пен өнердің өр тұлғасы – Дүйсен Құрабайұлы 75 жаста» атты  виртуалды кітап көрмесін дайындады.
    Көрмеге кәсіби скрипкашы, ғалым, өнер мен мәдениеттің жанашыры, қоғам қайраткері, 1987-1997 жж. аралығында Құрманғазы атындағы ҚҰК ректоры қызметін атқарған  Д.Қ.Қасейіновтың ҚҰК Ғылыми-ақпараттық кітапхана қызметінде сақталған ғылыми еңбектері, газет-журнал беттеріне жарияланған мақалалары мен сұхбаттары туралы ақпараттар жинақталған.
    Көрмеге қойылған құжаттармен Құрманғазы атындағы КҰК конференц- залында таныса аласыздар және сілтеме арқылы танысуға болады:   http://185.217.181.84:8087/JIrbis2/index.php?option=com_irbis&view=irbis&Itemid=385

Бүгін Құрманғазы атындағы Қазақ ұлттық консерваториясының ректоры Арман Әділханұлы бастаған қызметкерлер өнер-білім ордасының аруларын шұғылалы көктемнің алғашқы мерекесі 8 наурыз Халықаралық әйелдер күні мейрамымен құттықтап, Е.Рахмадиев атындағы Үлкен концерттік залда мерекелік іс-шара өткізді.

Бүгін консерваториямыздың А.Жұбанов атындағы кіші залында Алматы қаласы Алмалы ауданы ардагерлеріне арналған қайырымдылық концерті өтті. Концертті консерваториямыздың концерттік-шығармашылық қызметі ұйымдастырды.

Қайырымдылық кешінде консерватория ректоры Жүдебаев Арман Әділханұлы 1-наурыздағы Алғыс күніне орай қоғамның дамуына қосқан үлестері үшін ардагерлерге алғыс айтып, ардагер әйелдерді келе жатқан 8 наурыз мерекесімен құттықтады. Сондай-ақ өнер-білім ордасының басшысы мұндай шараларды жиі ұйымдастырып отыруға ниет білдірді. 200-ге жуық ардагер қатысқан, Алмалы әкімдігімен бірлесе ұйымдастырылған шарада Алмалы аудандық ардагерлер кеңесінің төрағасы – Әмірханов Жақсыбек Нұртазаұлы сөз алып, ұйымдастырушыларға ізгі тілегін білдірді. Концерттік кеште консерватория студенттері ән салып, күй тартып, түрлі аспаптарда әуезді шығармалар орындап, жиналған көрермендердің көңілін көтеріп, қошеметтеріне бөленді.

2022 жылдың 3 наурызында Құрманғазы атындағы ҚҰК конференц-залында «Арт-менеджмент – үшінші мыңжылдықтың ғылымы» (Құрманғазы атындағы ҚҰК-ның «Арт-менеджмент» ББ стратегиясы туралы мәселеге орай) тақырыбында семинар өтті. Семинарға консерваторияның декандары, кафедра меңгерушілері және ОПҚ шақырылды.
Спикер ретінде ҚР Еңбек сіңірген өнер қайраткері, БАҚ еңбек сіңірген қызметкері, Қазақстан Журналистер Одағы сыйлығының лауреаты, өнертану ғылымының кандидаты, Құрманғазы атындағы ҚҰК «Арт-менеджмент» кафедрасының меңгерушісі С.С. Қалиев шақырылды.
Өз баяндамасында спикер жаңа білім бағдарламасын таныстырды. Онда арт-менеджмент білім беру тұжырымдамасының басымдыққа ие бағыттары, сондай-ақ осы заманғы еңбек нарығының талаптарына сай келетін соны кәсіби біліктіліктері көрсетілген. Автордың өзінің ғылыми-зерттеушілік базасының БАҚ саласындағы көп жылғы өндірістік-практикалық тәжірибесімен ұштасқан ойларының негізінде жасалған баяндаманың сапалық мазмұны аудиторияның шынайы қызығушылығын туғызды.  
Басқосуда Қазақстандағы арт-менеджмент, продюсерлік институттың қалыптасуы, арт-нарықтың осы заманғы экономиканың маңызды бөлшегі ретінде құрылу мәселелері де сөз болды.

Бүгін Құрманғазы атындағы Қазақ ұлттық консерваториясының ректоры Жүдебаев Арман Әділханұлы студенттермен кездесті. Консерваторияның үлкен концерттік залында өткен жиынды Тәрбие және әлеуметтік жұмыстар жөніндегі проректор Мұхамбет Ашхатұлы бастаған Студенттер және түлектермен жұмыс жасау бөлімі ұйымдастырды.

2022 жылдың 2 наурызында кураторлық сағат аясында Құрманғазы атындағы Қазақ ұлттық консерваториясының ректоры  Жүдебаев Арман Әділханұлының студенттермен кездесуі өтті.
Бұл кураторлық сағатта ректор студенттердің өтініштерін қабылдап, ұсыныстарына жауап берді. Сондай-ақ, консерваторияның қоғамдық, әлеуметтік және шығармашылық өміріне белсене атсалысып, білім ордасында терең білімі мен біліктілігін танытып, оқу ісіне және консерваторияның студенттік ұйымдастырушылық жұмыстарына зор үлес қосып жүрген білім алушылармен консерваториямыздың мерейін үстем етіп, лауреат атанған студенттерімізге ұжым атынан ризашылығын білдіріп, Алғыс хаттар табыстады.
Сонымен қатар, өнер-білім ордасының оқу-тәрбие үдерісінде студенттермен ерекше белсенді жұмыс жасап жүрген «Жастар ісі жөніндегі комитет», «G-Force», «Қайырымдылық әуені», «Жатақхана студенттік кеңесі», «Дебют» секілді  студенттік өзін-өзі басқару ұйымдарымен және жетекшілерімен танысып, оларды да жасаған еңбектері үшін Алғыс хаттармен марапаттады.