Консерватория жаңалықтары

Шығыс Қазақстан облыстық мәдениет, архивтер және құжаттама басқармасының қолдауымен 2020 жылдың 1-5 қыркүйек күндері Хәкім Абай Құнанбайұлының 175 жылдық мерейтойы аясында Әміре Қашаубаев атындағы мемлекеттік филармониясының 75 жылдығына арналған Ә.Қашаубаев атындағы Республикалық «Құлақтан кіріп, бойды алар...» атты дәстүрлі әншілер онлайн-байқауы өтті. Ән байқауына республиканың түкпір-түкпірінен 25 өнерпаз қатысты. Байқау ережесі бойынша қатысушыларға Ә.Қашаубаевтың үнтаспада сақталған репертуарынан «Ағаш аяқ» әнін (ер азаматтарға), «Дудар-ай» әнін (қыз балаларға) және халық композиторлары немесе халық әндерінен бір әнді өз еріктерімен таңдап орындау міндеттелген.
Алқа төрағасы, қоғам қайраткері Бекболат Қанайұлы бастаған қазылардың жоғары бағасын алған, Құрманғазы атындағы Қазақ ұлттық консерваториясы «Халық әні» кафедрасының 3-курс студенті Байбақты Ідірбай 3-орынды иеленіп, лауреат атанды. Ұстазы – «Халық әні» кафедрасының аға оқытушысы Қарабалина Эльза Жеңісқызы.

Құрманғазы атындағы Қазақ ұлттық консерваториясында «Студенттер және түлектермен жұмыс жасау» бөлімінің қолдауымен, Жастар ісі жөніндегі комитеті ұйымдастырған консерваторияның 1 курс студенттері арасында  ең креативті фото/сурет байқауы өтті. Жеңімпаздарды консерваторияның Тәрбие және әлеуметтік жұмыстар жөніндегі проректоры Ешмұханов Мұхамбет Ашхатұлы марапаттап, оқуда сәттілік тіледі. Байқау нәтижелері клубтың Instagram әлеуметтік желісінде жарияланды.
Байқауға қатысқан жеңімпаздарды консерватория ұжымының атынан құттықтаймыз.
1. Жиенғалиев Әлішер
2. Шакенбаев Мұхамедали, Өткелбаева Жадыра
3. Еркін Алима
4. Ниязова Жанна

Қазақстан Республикасының Тұңғыш Президенті, Елбасы Н.Ә. Назарбаевтың «Ұлы даланың жеті қыры» мақаласы аясында ҚР Мәдениет және спорт министрлігінің қолдауымен Құрманғазы атындағы Қазақ ұлттық консерваториясында «Ұлы дала сарындары» атты екі дисктен тұратын күйлер жинағы жарық көрді. Бұл дискте консерваториямыздың «Халық музыкасы» факультеті оқытушыларының орындауындағы домбыра, қыл қобыз, жетіген және шертер сияқты қазақтың дәстүрлі музыкалық аспаптарына арналған шығармалар жинақталған. Жинақтағы күйлерді орындаушылар қатарында Б.Ысқақов, А.Райымбергенов, К.Сахарбаева, А.Үлкенбаева, Е.Басықара, Т.Тоқжанов, М.Әбуғазы, Н.Жақыпбек, Н.Әшіров сынды елімізге белгілі өнер майталмандары бар. Ұйымдастырушылардың айтуынша бұл жинақ студенттер үшін ғана емес, жалпы ұлттық өнерімізді қастерлейтін барша өнерсүйер қауымға арналады.

Қымбатты достар! Жуырда Дәулеткерей Шығайұлының 200 жылдығы, Науша Бөкейхановтың 150 жылдық мерейтойларына арналған "Күмбірлеген күміс күй" және Абыл Тарақұлының 200 жылдық, Есір Айшуақұлының 180 жылдық, Өскенбай Қалмамбетұлының 160 жылдық мерейтойларына арналған «Сермей тартқан семсер күй» атты күйшілер байқауы өтті. Құрманғазы атындағы Қазақ ұлттық консерваториясы «Халық музыкасы» факультетінің 4-курс студенті Базарбаева Назерке екі конкурста да I дәрежелі диплом иегері атанды. Ұстазы - профессор, ҚР еңбек сіңірген қайраткері Сахарбаева Карима Сүндетқызы.
Консерватория ұжымы Назеркені шын жүректен құттықтап, шығармашылық табыстар тілейді!
#КНКимКурмангазы
#music
#Консерватория

ҚР БҒМ ғылым комитеті 22 қазаннан бастап Taylor&Francis Group компаниясы Құрманғазы атындағы Қазақ ұлттық консерваториясы үшін  2020 жылдың 22 желтоқсанына дейін 60 күнтізбелік күнге журналдарға тегін қол жеткізуді ұсынатынын хабарлайды.

Бүгін консерваториямыздың «Студенттер және түлектермен жұмыс жасау» бөлімінің ұйымдастыруымен «ZOOM» платформасы арқылы онлайн түрде «Қазақ халқына тән діни дүниетаным» тақырыбында кураторлық сағат өтті.
Тәрбие және әлеуметтік жұмыстар жөніндегі проректор міндетін атқарушы Ешмұханов Мұхамбет Ашхатұлы және Ұлттық қауіпсіздік комитетінің өкілі Ернар Баубеков ат салысқан шараға қонақ ретінде «Нұр-Мүбарак» Египет ислам мәдениеті университеті «Исламтану» кафедрасының оқытушысы Үйсінбаев Бейбіт Әсетұлы қатысып, студенттердің сұрақтарына жауап берді. Кураторлық сағат мәнді де мағыналы әрі қызықты өтті.

Құрметті әріптестер, достар!
«Ұлағатты ұрпақ» атты мәдени-білім беру порталының ашылғанын қуанышпен хабарлаймыз!
Бұл жобаның мақсаты жасөспірім балаларымыз бен жастарымызды бүкіл адамзатқа ортақ мәдени құндылықтарға мән беруге үйрету, рухани тұрғыда тәрбиелеу, эстетикалық талғамын қалыптастыру, еліміздің мәдени мұрасын құрметтеуге баулу.

Қымбатты достар! Жақында Украинаның Сумы қаласында «Слобожанская фантазия» атты Х Халықаралық пианистер байқауы мәресіне жетті. Әлемдік пандемияға байланысты аталмыш шара биыл онлайн форматта өтті.
Байқау қорытындысы бойынша Құрманғазы атындағы Қазақ ұлттық консерваториясы «Аспаптық орындаушылық» факультетінің 2-курс магистранты  Ербол Қожағұл 2-орынға ие болды (доцент Гүлнара Төлегенқызы Құрамбаеваның сыныбы).
Айта кетейік, байқауға Қытай, Жапония, Сингапур, Канада, Мальта, АҚШ, Ресей, Украина, Грузия және т.б елдердің пианистері қатысты.

Ербол Қожағұлды жүлделі 2-орынымен шын жүректен құттықтап, шығармашылық табыс тілейміз!

Консерваторияда жоғары оқу орнының табалдырығын алғаш аттаған білім алушылардың жаңа өмірге бейімделуіне көмектесетін бірінші курс студенттерінің дәстүрлі онкүндігі өтті. Бұл жастарды кітапқа және кітап оқуға тарту, сонымен қатар студенттердің ақпараттық мәдениетінің деңгейін көтеру мақсатында жыл сайын жүзеге асырылатын жоба.

            Студенттер еліміздегі ең үлкен музыкалық кітапхананың тарихымен, оның қорымен, ресурстарымен әрі қызметтерімен танысады. «Кітапхананың анықтамалық-ақпараттық қоры» кітапханалық сабақ, кітап көрмелерінің презентациялары, библиографиялық көрсеткіштерге шолу, RILM, JSTOR, Web of Science, ScienceDirect мәліметтер базасында тіркелу, «Кітапты немесе нотаны қалай табуға болады?» кеңестері, бірінші курс студенттеріне өзіндік жұмыстарын ұйымдастыруға, іздеу уақытын қысқартуға және қажетті ақпаратқа жедел қол жеткізуге көмектеседі.