Консерватория жаңалықтары

Батырхан Шөкенов атындағы Қоғамдық қор Бөлат Өтемұратов Қорының қолдауымен жас музыканттардан стипендия алуға өтінімдер қабылдаудың жалғасып жатқанын еске салады. Оған мына оқу орындарында оқып жүрген мыс және ағаш үрмелі аспаптарда орындаушылар үміткер бола алады:

II, III, IV   курс студенттеріне жатақханаға орналасу 2019 жылдың 20 тамыздан бастап,
І-ші курс студенттері жатақханаға 26-тамыздан орналасуға болатыны жайлы хабарлаймыз!

Жатақхана қызметкерлерінің жұмыс уақыты – 9.00 ден 18.00 ге дейін
Түскі үзіліс 13.00-14.00
Демалыс күндері - Сенбі, жексенбі

2019-2020 оқу жылында студенттік жатақханаға орналасу үшін қажетті құжаттар тізімі:
1.    Өтініш (орналасу кезінде рәсімделеді).
2.    Студенттік жатақханасына уақытша тұруы үшін келісім шарт - 2 дана (орналасу кезінде рәсімделеді).
3.    Жеке куәлік / төлқұжат көшірмесі.
4.    Төлемақы түбіртегі (кез келген банк) - 3 дана.
5.    3х4 фото -2 дана.
6.    Жатақханада тұру рұқсаттама үшін,  электронды фото 3х4 Word форматында келесі эл.адреске Obshaga.kons@mail.ru  жіберу керек.
(Аты жөні, факультет, курс көрсетілсін).
7.    Консерватория медициналық пунктінен денсаулығы туралы анықтама
(Жатақханаға орналасу кезінде рәсімделеді).
8.    Флюорография 2019 жылғы жарамды. (егер ФГ 2018 жылғы болса, өту керек).
9.    Файл – 1дана.

Төлемақы келесі реквизиттер бойынша төленеді:
РММ Мемлекеттік кірістер департаментінің
Алмалы ауданы бойынша Мемлекеттік кірістер басқармасы
Кбе 11    БИН 910740000153,   БИК   ККМFKZ2A,    
РММ «ҚР қаржы министрлігінің қазыналық комитетіне»,  
ИИК  KZ 24070105KSN0000000
БСК 206108,  ТМК 911

Ағымдағы жылдың шілденің 21-24 аралығында Қазақстан, Әзірбайжан, Өзбекстан елдерінің музыкалық ЖОО-ның басшылары Италияның Сачиле қаласына ресми іссапармен барып қайтты.
«PIANOS»  пианино мен рояль салоны ұйымдастырған шараға Құрманғазы атындағы Қазақ ұлттық консерваториясының ректоры Арман Жудебаев, Әзірбайжан ұлттық консерваториясының ректоры Сиявуш Карими, Баку музыкалық академиясының ректоры Фархад Бадалбейли, Әзірбайжан мемлекеттік филармониясының директоры Мурад Адигоралзаде, Хазар университетінің директорлар кеңесінің төрағасы Гамлет Исаксанлы, Өзбекстан мемлекеттік консерваториясының проректоры Сайора Гафурова қатысты.

Құрманғазы атындағы Қазақ ұлттық консерваториясының Ғылыми жұмыс және халықаралық ынтымақтастық жөніндегі проректоры, қауымдастырылған профессор (доцент) Бегембетова Ғалия Зайнақұлқызы және өнертану кандидаты, аға оқытушы Недлина Валерия Ефимқызы 11-17 шілде аралығында Таиланд елінің Бангкок қаласындағы Чулалонгкорн университетінде өткен Дәстүрлі музыка жөніндегі халықаралық кеңестің 2019 жылғы 45-Халықаралық конференциясына (ICTM) қатысып қайтты.

Үстіміздегі жылдың сәуір айының 9-10 күндері Бельгиялық «MusiQuE - Music Quality Enhancement» халықаралық аккредиттеу агенттігі Құрманғазы атындағы Қазақ ұлттық консерваториясында бағалау жұмыстарын жүргізген болатын. «Музыка саласындағы сапаны көтеру» мақсатында магистранттар мен докторанттар бағдарламасы бойынша халықаралық аккредиттеуді Брюссель қаласынан келген агенттіктің өкілдері Дариус Кучинскас,  Густав Дюпшёбака және Селия Даффи жасады.
    Сәуірде жүргізген тексеру жұмыстарының нәтижесін аталмыш ұйым жақында жариялап, ұлттық консерваториямызды құттықтап, 2025 жылдың маусым айына дейін барлық мамандықтар бойынша халықаралық сертификаттарға ие болғандығын мәлімдеді. Консерватория ұжымын осындай айтулы жетістігімен құттықтаймыз!!!

Бүгін Құрманғазы атындағы Қазақ ұлттық консерваториясының 2019 жылғы талапкерлеріне шығармашылық емтихан басталды. «Вокалдық өнер», «Аспаптық орындаушылық», «Музыкатану», «Дәстүрлі музыка өнері», «Дирижерлеу», «Композиция», «Арт-менеджмент» мамандықтарына республикамыздың түкпір-түкпірінен келген 400-ден аса дарынды жастар оқуға түсуге өтініш білдірген.  Шығармашылық емтихандар 12 шілдеге дейін жалғасады. Барлық талапкерлерге консерватория ұжымы атынан сәттілік тілейміз.
«Биылғы жылғы талапкерлердің санын көріп қуанып отырмын. Қазақ өнері мен мәдениетіне бей-жай қарамай, керісінше дамуына үлес қосамын деген жастарды көру қуантарлық жағдай. Ал осындай талапты жастардың шыңдалуына мүмкіндік беретін 75 жылдық тарихы бар Құрманғазы атындағы Қазақ ұлттық консерваториясының ұстаздарына алғысым шексіз»,- дейді  ҚР еңбек сіңірген артисі, әнші-композитор Марат Омаров. Сонымен қатар Марат ағамыз өзінің өнер мектебін бітірген түлектерін консерваторияға оқуға алып келгенін айтты.
Жоғары білім алуға ұмтылған жас талапкерлерге ақ жол тілейміз! Сапалы білім алып, қазақ өнері мен мәдениетінің дамуына үлес қосамын десеңіз, классикалық музыка өнерінің тереңіне бойлаймын десеңіз Құрманғазы атындағы Қазақ ұлттық консерваториясына қош келдіңіз!

Былтыр Қазақстан Республикасы Тұңғыш Президентінің жарлығымен жарияланған «Ұлттық домбыра күні» екінші рет аталып өтуде.  Бұл біздің ұлттық құндылықтарымызды ардақтап, рухани жаңғыруымызға қомақты үлес қосар шуақты да, шаттықты мерекеміз екені сөзсіз. Домбыра қазақтың музыкалық мәдениетіндегі шоқтығы биік аспап. Себебі ол ықылым замандардан осы күнге дейін жалғасып келе жатқан дәстүрлі репертуары ең бай аспап болып саналады. Домбыра күйлеріндей алуан түрлі сипаттағы аспаптық жанрды әлем халықтарының фольклорынан кездестіру өте қиын. Күй мен домбыра егіз, домбыра мен қазақ егіз.
Ғасырлар бойы қазағымның серігі болған қасиетті домбырамыздың төл мерекесі -  Ұлттық домбыра күнімен, Құрманғазы атындағы Қазақ ұлттық консерваториясының ұжымы баршаңызды  шын жүректен құттықтайды!!!

2019 жылы қыркүйек айының 14 бастап 24 дейін Алматы қаласында Бибігүл Төлегенованың Х Халықаралық вокалистер байқауы өтеді

Міне осы жолы Қазақ бұлбұлы, КСРО және Қазақстанның халық артисі, Социалистік Еңбек Ері, КСРО және Қазақстан Мемлекеттік сыйлықтарының лауреаты, академик Бибігүл Төлегенованың 90-жылдығына орай Алматы қаласында Бибігүл Төлегенованың Х Халықаралық вокалистер байқауы 10-шы рет өткізілетін болады.

Ағымдағы жылдың 22-26 маусым аралығында Алматы қаласында «Аймақтық деңгейде мемлекеттік жастар саясатын жетілдіру: ведомствоаралық өзара іс-қимыл және ынтымақтастық» тақырыбында көшпелі семинар-тренинг өтті. Шараға шетелдік және отандық тренерлер жастар саясаты саласындағы өкілетті органдарының, жастар ресурстық орталықтарының, жастар ұйымдарының, жастар өзін-өзі басқару органдарының (жастармен жұмыс жасау комитеті) және басқа да мүдделі органдардың қызметкерлері мен өкілдерінің жұмысын жақсарту үшін мастер-класс өткізілді. Семинар-тренингтің мақсаты жастар саясаты институттарын біріктіру және жастар ортасында өзін-өзі ұйымдастыру үдерісін күшейту үшін жағдай жасау, жастармен жұмыс жасайтын мамандардың біліктілігін арттыру болып табылады. Құрманғазы атындағы Қазақ ұлттық консерваториясының студенттер және түлектермен жұмыс жасау бойынша аға-менеджері Мадалиев Ержігіт Нұралыұлы қатысып, әріптестерімен тәжірибе алмасып арнайы сертификат иесі атанды.