Консерватория жаңалықтары

Құрманғазы атындағы Қазақ ұлттық консерваториясы, «Халық әні» кафедрасының меңгерушісі, аға оқытушы, PhD докторы Аманкелді Күзеубайдың «Домбырамен ән салу» атты оқу-әдістемелік оқу құралы жарық көрді. Кітаптың тұсаукесері Жезқазған қаласы С.Сейфуллин атындағы кітапханада және Жезқазған саз колледжінде өтті. Тұсау кесер аясында еңбек авторы колледж студенттерімен кездесіп шеберлік сыныбын өткізді. Оқу-әдістемелік құрал балалар музыка мектептеріне және музыка колледждеріне арналған.

Консерватория ұжымы әріптесімізді еңбегінің жарыққы шығуымен шын жүректен құттықтап шығармашылық табыстар тілейді.

Бүгін 21-ақпан Құрманғазы атындағы Қазақ ұлттық консерваториясында  театр саңлағы Асанәлі Әшімов ағамыз бастаған топ қонақта болды. Елбасымыз жариялаған биылғы «Жастар жылы» аясында елімізде көптеген жобалар қолға алынып, әртүрлі мәдени-танымдық іс-шаралар ұйымдастырылып жатқаны баршаға аян. Осындай жобалардың бірі ретінде, КСРО халық артисі, Қазақстан Республикасының халық артисі, Қазақстанның Еңбек Ері, Қазақстан театрлар ассоциациясының президенті, Мұхтар Әуезов атындағы Қазақ мемлекеттік академиялық драма театрының көркемдік жетекшісі, ұстаз Асанәлі Әшімовтің шәкipттерiнен құралған «Жаңа ғасыр» театры «Соңғы қоңырау» атты қойылымын консерваторияның үлкен концерт залында жиналған көпшілікке ұсынды. Қойылым шымылдығын ашқан консерватория ректоры Арман Әділханұлы театр ұжымына шығармашылық табыстар тілеп ризашылығын білдірді.

Бүгін 21-ақпан Абай атындағы Қазақ ұлттық педогогикалық университетінде «Алматы аймақтық ЖОО ректорлары кеңесінің» кезекті мәжілісі өтті. Ректорлар кеңесінің қызметі Қазақстан Республикасының жоғары білім беру жүйесін дамытуға және болашақ мамандарды даярлаудың өзекті мәселелерін шешу мен отандық ғылымды дамыту бойынша жоғары оқу орындары арасындағы қарым-қатынасты нығайтуға бағытталды.

2019 жылдың 19 ақпанында Құрманғазы атындағы Қазақ ұлттық консерваториясының мәжіліс залында композитор, ҚР еңбек сіңірген қайраткері, Құрманғазы атындағы ҚҰК профессоры Бейбіт Дәлденбаймен кездесу өтті.

2019 жылдың 19 ақпанында Астанада Қазақстан Республикасы Мәдениет және спорт министрлігінің кеңейтілген алқа отырысы өтті. Министрлік басшылары, комитет төрағалары, департамент директорлары, министрлікке қарасты мекеме жетекшілері және БАҚ өкілдерінің қатысуымен өткен жиын барысында мемлекеттік органның 2018 жылғы қызметінің қорытындылары мен 2019 жылға арналған негізгі міндеттері талқыланды.
Құрманғазы атындағы Қазақ ұлттық консерваториясынан министрлікте өткен басқосуға ұжым басшысы Арман Әділханұлы мен оқу-әдістемелік жұмыс проректоры Гүлнар Бақытқызы қатысып, жиынға келген БАҚ өкілдерінің сұрақтарына жауап берді.

«Құрманғазы атындағы Қазақ ұлттық консерваториясы» РММ «Жастар жылы» аясында 9 мамандық бойынша (13 номинация) Қазақстан Республикасының мамандандырылған мектептері мен музыкалық колледждерінің студенттері арасында Республикалық кіші олимпиада (2019ж.) өткізіледі.

Құрманғазы атындағы ҚҰК үлкен концерт залында 2019 жылы 16 ақпанда «String Music Festival» III Халықаралық ішекті аспаптар фестивалінің Гала-концерті өтті. Фестиваль Құрманғазы атындағы Қазақ ұлттық консерваториясының 75 жылдығына орайластырылған. Алматы мемлекеттік консерваториясында алғашқылардың бірі болып "Оркестр" кафедрасы, ал 5 жылдан кейін, 1949 жылы "Ішекті аспаптар" кафедрасы құрылды. Фестивальдің барлық концерттері осы кафедраларда алғаш еңбек атқарған, Қазақстандағы ішекті аспаптар мектептерін қалыптастырушы ұстаздарды еске алуға арналды. Скрипкашы Вениамин Соломонович Хесс, альтист Яков Иосифович Фудиман, виолончелист Джамбул Кузембаевич Баспаев.

2019 жылдың 15 ақпанында Құрманғазы атындағы Қазақ ұлттық консерваториясының 75 жылдығына орай «Перспективті зерттеулер: музыкалық өнер жас ғалымдардың көзімен» атты Республикалық Магистрлік оқулары өтті.
Жиынның мақсаты магистрлік зерттеу материалдарының өзектілігін тексеру, жұмыстардың теориялық және практикалық нәтижелерінің ғылыми тұжырымдамасын жасау, заманауи ғылыми ақпараттармен бөлісу.
Қатысушылар жоғары оқу орындарының шығармашылық мамандықтарында ізденіп жүрген жас ғалымдар. Форум қазақ, ағылшын және орыс тілдерінде өтті.

2019 жылдың 13 ақпанында Құрманғазы атындағы Қазақ ұлттық консерваториясында өнер ордасының 75 жылдығына арналған «String Music Festival» ішекті аспаптар фестивалі басталды. Шараның алғашқы күні скрипкаға арналған музыкаға құрылған концерттік бағдарламамен ашылды. Бұл концерт Қазақстандағы скрипкашылар мектебін қалыптастырушылардың бірі - Хесс Вениамин Соломоновичтің 110 жылдығына арналды.
Бағдарламада төмендегі шығармалар орындалды:
- Ф. Германн "Бурлеска" 3 скрипкаға арналған
- Ф. Шуберт "Вальс-каприс"
- Н.Паганини "Кампанелла"
- Р. Щедрин "Альбениске еліктеу"
- К. Сен-Санс "Интродукция және рондо-каприччиозо»
- У. Гаджиев "Алжир поэмасы"
- О. Петцольд "Интродукция және полонез"
- Й. Сук "Махаббат әні"
- Ф. Германн "Каприччио" 3 скрипкаға арналған

Орындаушылар:
- Қаратаева Валентина, Дүйшенбаева Сезім, Шілдебаева Айдана (сынып проф. Мурзабекова Г. К.)
- Илдырымлы Табриз (проф. Қожамқұлова Б. С.)
- Өсербек Арайлым (проф. Абатова А. А. сыныбы))
- Рысберді Жалғасбек (сынып оқыт. Гадеевой А. М.)
- Матыцина Ксения, Абдрахманова Эльдана (сынып аға оқыт. Халиловой К. М.)
- Омар Ақниет (доц сыныбы. Такежановой Р. Ф.)

Фортепиано партиясы:
Шолпан Оңғарова, Гүлжан Өзенбаева, Жаннель Әбдіқадырова,
Диана Панарғалиева, Гүлназ Қосаманова, Айша Исаметова, Қанат Маликайдар