Консерватория жаңалықтары

"Қазақфильм" киностудиясы "Қасым хан" тарихи сериалына жаңа есім, жаңа таланттар іздейді

2019 ж. қаңтар айының 28-де Құрманғазы атындағы Қазақ ұлттық консерваториясының «Ішекті аспаптар» мамандығы бойынша аспаптық орындаушылық факультетінің 2-3 курс студенттері ВИГО консерваториясынан оралды. Студенттер шетелдік серіктес жоғары оқу орнында 1 семестр көлемінде алған әсерлері мен тәжірибелері жөнінде ой бөлісті.

2019 жылдың 4-10 ақпан аралығында Құрманғазы атындағы Қазақ ұлттық консерваториясының ғылыми жұмыс және халықаралық ынтымақтастық жөніндегі проректоры, өнертану кандидаты, музыкатану және композиция кафедрасының доценті Бегембетова Ғ.З. «Эразмус +» бағдарламасы бойынша Испанияның Виго қаласы консерваториясында болып қайтты.
Іссапар барысында Қазақ ұлттық консерваториясының тарихы жөнінде, қазақ опера өнерінің қалыптасуы және дамуы туралы лекциялар оқып, шеберлік-сыныптарына қатысты.
Сондай-ақ Виго консерваториясы басшылығымен және  «Эразмус+» жобасының кураторымен біздің студенттер мен оқытушылардың әртүрлі академиялық ұтқырлық бағдарламалары мен оқу орындары арасындағы өзара алмасу  жұмыстары жайында келіссөздер жүргізді.

Құрманғазы атындағы ҚҰК 75 жылдығына орай

2019 жылдың 13-16 ақпан аралығында

III "STRING MUSIC FESTIVAL" фестивалі өтеді 

13 ақпан – В. Хесстің 110 жыл толуына арналған скрипка музыкасының концерті(кіші зал)

14 ақпан – Я. Фудиманның 85 жыл толуына арналған альт музыкасының концерті

15 ақпан – Д. Баспаевтың 80 жыл толуына арналған виолончель және контрабас музыкасының концерті (кіші зал)

16 ақпан – Гала-концерт

Құрманғазы атындағы ҚҰК Студенттік симфониялық оркестрімен Ішекті аспаптар кафедрасы солисттерінің концерті. (үлкен концерт залы)

Қазақстан Республикасының Халық артисі
Мемлектеттік сыйлықтың иегері
Ғарифолла Құрманғалиевтің 110 жылдығына арналған
«Ақ Жайықтан ән оздырған»
Республикалық әншілер байқауының жүлдегерлерін
құттықтаймыз!

1-курс Байбақты ІДІРБАЙ 3-орын иегері,
ұстазы аға оқытушы Эльза ҚАРАБАЛИНА;

3-курс Біржан АЙТАХМЕТОВ Диплом иегері,
ұстазы ҚР еңбек сіңірген қайраткері Еркін ШҮКІМАН;

4-курс Айнаш ЗАБИХАНОВА Алғыс хат иегері,
ұстазы аға оқытушы Эльза ҚАРАБАЛИНА;

3-курс Болатбек ҚҰБАШЕВ Алғыс хат иегері,
ұстазы аға оқытушы Эльза ҚАРАБАЛИНА;

2019 жылдың 7 ақпанында Құрманғазы атындағы Қазақ ұлттық консерваториясының үлкен концерттік залында «Camеrata Tempo» III Халықаралық фестивалінің жабылуына орай Гала-концерт өтті.
Бір апта бойы консерваторияның аудиториялары мен залдарында тамаша шығармашылық атмосфера орнады. Швейцариядан келген жоғары дәрежелі профессорлар мен музыканттар скрипка шеберлігінің құпияларымен бөлісті.

2019 жылғы 5-ақпан күні ҚР Парламенті Мәжілісінің депутаты, «Нұр Отан» партиясының өкілі Дархан Мыңбай Құрманғазы атындағы Қазақ ұлттық консерваториясының ректоры Арман Жүдебаевпен кездесті.
Арман Әділханұлы басшылыққа келгелі шаңыраққа алғаш рет келіп отырған  Дархан Қамзабекұлы  консерваторияның тыныс-тіршілігімен танысып, жұмыстарына сәттілік тіледі. Өз кезегінде Арман Әділханұлы 75 жылдық мерейтойы аясында дайындалып жатқан іс-шаралар жоспарымен бөлісті.

Бүгін Құрманғазы атындағы Қазақ ұлттық консерваториясының мәжіліс залында ҚР Парламенті Мәжілісінің әлеуметтік-мәдени даму комитетінің мүшесі, ҚР еңбек сіңірген артисі Бекболат Тілеуханмен кездесу өтті. Кездесуге ректор Арман Әділханұлы бастаған ұжым басшылығы, профессор-оқытушылар құрамы және студенттер қатысты.

«Цинандали классикалық музыка фестивалінің» ұйымдастырушылары (Грузия) Қазақстандағы 18-28 жас аралығындағы талантты жас музыканттар арасында Пан-Кавкадық жастар оркестріне (PCYO) қатысу үшін тыңдау байқауын жариялап отыр. Тыңдау байқауы 2019 жылдың 30 наурызында Құрманғазы атындағы Қазақ ұлттық консерваторияның Үлкен органдық залында өтеді.

Қазақстанмен қатар, тыңдауға Кавказ өңіріндегі елдерден (Грузия, Армения, Әзірбайжан), Украина мен Түркиядан жас музыканттар қатысып жатыр. Іріктеуден өткендер дүниежүзіне әйгілі дирижер Джанандреа Нозеда жетекшілік ететін Пан-Кавказдық жастар симфониялық оркестрінің құрамында өнер көрсетпек. Оркестр 2019 жылдың қыркүйегінде Грузияның Цинандали қаласында өтетін фестивальдің резидентіне айналады.


2019 жылы оркестрге қатысу уақыты алты аптаға созылмақ. Алғашқы үш аптада 16 тамыздан бастап 7 қыркүйек аралығында атақты дирижерлердің жетекшілік етуімен репетициялар мен бес концерт өтеді. 8-22 қыркүйек аралығында Цинандали фестивалінің алаңында Джанандреа Нозеда, Юкка-Пекка Сарасте, Омер Меир Веллбер, Лахав Шанидің жетекшілік етуімен репетициялар мен бес концерт өтеді.


Пан-Кавказдық жастар симфониялық оркестріне қоса, жас солистер академиясы да жұмыс жасамақ.

Тыңдауға қабылдау шарттары
1. Тыңдауға ҚР-да өмір сүріп жатқан жас музыканттар қатыса алады.
2. 18 жастан бастап 28 жасқа дейін.
3. Аспаптар: симфониялық оркестрдің барлық аспаптары қатысады. Белгілі бір аспаптарды тыңдауға қатысты қосымша шарттар, сондай-ақ, аспаптар тізімі және тыңдау кезінде орындалатын нақты репертуарды сайттан таба аласыз: http://tsinandalifestival.ge/pages/orchestra/ - мұнда оркестрлік үзінділер мен партитураларды тауып, жүктеп алуға болады.
4. Тыңдаудан өту туралы өтінімдер 22 наурызға дейін фестиваль сайтында қабылданады: http://tsinandalifestival.ge/submit/. Тыңдауға қатысушы ағылшын тілінде анкетаны толтыруы қажет.
5. Тыңдауға қатысу кезіндегі бүкіл шығындарды қатысушылар өздері көтереді.
6. Оркестрге қатысу үшін тыңдаудан өткен жеңімпаздардың барлық шығындарын (тұру, көлік шығындары, тамақ) Цинандали фестивалінің ұйымдастырушылары төлейді.

Қосымша ақпарат алу үшін:
Sonja@tsfest.ge
(+995) 32 22535 81/82/83